വിചാരണക്കോടതിയില്‍ നിന്ന് ദൃശ്യങ്ങള്‍ ചോര്‍ന്നതിനെക്കുറിച്ച് അന്വേഷണം നടത്തണമെന്നാവശ്യപ്പെട്ട് ആക്രമണത്തിന് ഇരയായ നടി പ്രധാനമന്ത്രി, രാഷ്ട്രപതി, സുപ്രീംകോടതി ചീഫ് ജസ്റ്റീസ്, ഹൈക്കോടതി ചീഫ് ജസ്റ്റീസ്, കേന്ദ്ര വിജിലന്‍സ് കമ്മീഷണര്‍, മുഖ്യമന്ത്രി, കേന്ദ്ര സംസ്ഥാന വനിത കമ്മീഷന്‍ എന്നിവര്‍ക്ക് നല്‍കിയ കത്തില്‍ അന്വേഷണം തുടങ്ങിയതായി സൂചന.

വിചാരണ കോടതിക്കെതിരെ പ്രോസിക്യൂഷന്‍ പോലും ഒരു ഘട്ടത്തില്‍ രംഗത്തെത്തിയിരുന്നു. പ്രതിക്ക് അനുകൂലമായി കാര്യങ്ങള്‍ നീങ്ങുന്നു എന്ന ഘട്ടത്തിലാണ് പ്രോസിക്യൂഷന്‍ രംഗത്തെത്തിയത്.

വിചാരണ കോടതിയില്‍ നിന്നും ദ്യശ്യങ്ങള്‍ ചോര്‍ന്നു എന്ന ആരോപണം ഗൗരവമുള്ളതാണ്. കോടതിക്കെതിരെ ഇത്തരം ആരോപണങ്ങള്‍ അപൂര്‍വമാണ്. മുമ്പൊരിക്കലും കോടതിയില്‍ നിന്നും തെളിവ് ചോര്‍ന്നതായി ആരോപണം ഉയര്‍ന്നിട്ടില്ല.

കേരളത്തില്‍ കോളിളക്കമുണ്ടാക്കിയ കേസ് എന്ന നിലയില്‍ ദ്യശ്യങ്ങള്‍ ചോര്‍ന്നത്ഹൈക്കോടതിയും സുപ്രീം കോടതിയും അന്വേഷിക്കും. വിചാരണ കോടതി ജഡ്ജിയില്‍ നിന്നും ഇതിനകം തന്നെ അനൗപചാരികമായി മേല്‍ കോടതികള്‍ വിവരം തേടിയെന്നാണ് റിപ്പോര്‍ട്ട്.

നടി നല്‍കിയ കത്ത് കോടതികളില്‍ എത്തിയിട്ടില്ലെങ്കിലും മാധ്യമങ്ങള്‍ പുറത്ത് വിട്ടു. ഇതിന്റെ അടിസ്ഥാനത്തിലാണ് അന്വേഷണം തുടങ്ങിയത്. കോടതിക്കെതിരെ ഉണ്ടായ ആരോപണം നിയമലോകത്തെ അമ്പരപ്പിക്കുന്നു.

വിദേശത്തുള്ളവരുടെ കൈയില്‍ ദൃശ്യങ്ങളുള്ളത് അന്വേഷിക്കണമെന്നാണ് കത്തില്‍ പറയുന്നത്. എറണാകുളം ജില്ല സെഷന്‍സ് കോടതിയില്‍ നിന്നാണ് താന്‍ ആക്രമിക്കപ്പെട്ട ദൃശ്യങ്ങള്‍ ചോര്‍ന്നത്. ഈ വാര്‍ത്തയ്ക്കു പിന്നിലെ സത്യാവസ്ഥ കണ്ടെത്താനായി അന്വേഷണം നടത്തണം.

ഇത് ഞെട്ടിപ്പിക്കുന്നതാണ്. ഇത് തന്റെ സ്വകാര്യതയെ ബാധിക്കുന്നതാണെന്നും കത്തില്‍ പറയുന്നു. വീഴ്ച സംഭവിച്ചിട്ടുണ്ടെങ്കില്‍ കോടതിയുടെ ഭാഗത്തുനിന്ന് അന്വേഷണം നടത്തണമെന്നും നടിയുടെ കത്തിലുണ്ട്.

എറണാകുളം ജില്ലാ കോടതിയെ സംബന്ധിച്ചടത്തോളം ഇത് തെളിയിക്കേണ്ടത് അനിവാര്യമാണ്. കോടതിയില്‍ നിന്നും രേഖകള്‍ ചേരാന്‍ പാടില്ല. അത് കൊണ്ട് മുതലായി കോടതിയില്‍ തന്നെ സൂക്ഷിക്കേണ്ട കാര്യമാണ്. ഇത് ചോര്‍ന്നതായി കണ്ടെത്തിയാല്‍ ദൂരവ്യാപകമായ പ്രത്യാഘാതങ്ങള്‍ക്ക് കാരണമാകും. അതു കൊണ്ടു തന്നെ രേഖ ചോര്‍ന്നത് കോടതിയില്‍ നിന്നാണെങ്കില്‍ തന്നെ അക്കാര്യം പുറത്തു വരാന്‍ സാധ്യതയില്ല.

ദൃശ്യങ്ങള്‍ ചോരാന്‍ മറ്റ് സാധ്യതകളും ഇപ്പോള്‍ അന്വേഷണം നടത്തുന്നവര്‍ കാണുന്നുണ്ട്. ഇതില്‍ പ്രധാനം പോലീസാണ്. പ്രതിയുടെ കൈയില്‍ നിന്നും ദ്യശ്യങ്ങള്‍ ചോരാനുള്ള സാധ്യതകള്‍ തളളി കളയാന്‍ കഴിയില്ല. പ്രതി സമൂഹത്തില്‍ ഉന്നത സ്വാ
ധീനമുള്ളവരായതു കൊണ്ട് കോടതിയില്‍ നിന്നും രേഖ ചോര്‍ന്നതായി കരുതാന്‍ കഴിയില്ല.

വലിയ കോളിളക്കമാണ് നടിയുടെ കത്ത് നിയമ വൃത്തങ്ങളിലുണ്ടാക്കിയത്. സുപ്രീം കോടതി ചീഫ് ജസ്റ്റിനുള്ള കത്തില്‍ അതിവേഗമായിരിക്കും നടപടികള്‍ പുരോഗമിക്കുക .അത് ഹൈക്കോടതിക്ക് കൈമാറുന്നതാണ് കീഴ് വഴക്കം.കത്ത് എഴുതിയത് ഒരു സ്ത്രീയായതിനാല്‍ കത്തിന് കൂടുതല്‍ ഗൗരവം കൈവരും. ഏതായാലും വിചാ രണ കോടതി ഉദ്യോഗസ്ഥര്‍ പ്രതിസന്ധിയിലായിരിക്കുകയാണ്.