ന്യൂ നോര്മല് എന്ന വാചകത്തെ എല്ലാ അര്ത്ഥത്തിലും പ്രതിനിധീകരിക്കുന്ന മത്സരാര്ത്ഥി! നിശബ്ദമായിപോകുമെന്ന് പലരും കരുതിയ ബിഗ് ബോസ് വീടിനെ ജീവനോടെ നിലനിര്ത്തി; ഞാന് റിയലായിരുന്നു, അംഗീകരിച്ചില്ലെങ്കിലും ചിലതൊക്കെ പറയണമായിരുന്നു.. എവിക്ഷന് ശേഷം റിയാസ് പറഞ്ഞത് ഒരൊറ്റകാര്യം മാത്രം...
വൈല്ഡ് കാര്ഡ് എൻട്രിയായി എത്തിയ മത്സരാര്ഥിയാണ് റിയാസ് സലീം. പക്ഷേ ഷോയെ അക്ഷരാര്ഥത്തില് തന്നെ മാറ്റിമറിച്ച മത്സരാര്ഥിയായിരുന്നു റിയാസ്. അതുകൊണ്ടുതന്നെ റിയാസിന്റെ ഏറ്റവും ഒടുവിലത്തെ പുറത്താകല് പ്രേക്ഷകരെ ഞെട്ടിക്കുകയും ചെയ്തു. മൂന്നാമനായിട്ടാണ് റിയാസ് മടങ്ങിയത്. എന്നാല് ഈ സീസണിലെ മാത്രമല്ല മലയാളം ബിഗ് ബോസിന്റെ തന്നെ ചരിത്രത്തിലെ ഏറ്റവും മികച്ച മത്സരാര്ത്ഥികളില് ഒരാളെന്ന പേരുമായാണ് റിയാസ് പടിയിറങ്ങുന്നത്. ന്യൂ നോര്മല് എന്ന വാചകത്തെ എല്ലാ അര്ത്ഥത്തിലും പ്രതിനിധീകരിക്കുന്ന മത്സരാര്ത്ഥിയായിരുന്നു റിയാസ്. ബിഗ് ബോസ് വീട്ടിലേക്ക് കയറി വന്ന അന്നു മുതല് ഷോയെ മുന്നോട്ട് നയിച്ചത് റിയാസായിരുന്നു. വൈല്ഡ് കാര്ഡ് എന്ട്രിയായി കടന്നു വന്ന റിയാസ് സലീം ഷോയെ അടിമുടി മാറ്റി മറിക്കുകയായിരുന്നു. പുപ്പുലികളായ ജാസ്മിനും റോബിനും ഒരേ ആഴ്ച തന്നെ പുറത്താതോടെ പിന്നീട് നിശബ്ദമായിപോകുമെന്ന് പലരും കരുതിയ ബിഗ് ബോസ് വീടിനെ ജീവിനോടെ നിലനിര്ത്താന് റിയാസ് ബിഗ് ബോസ് വീടിന്റെ ഹൃദയമായി മാറുകയായിരുന്നു.
റോബിന് പുറത്താകാന് കാരണക്കാരനായി എന്ന പേരില് റിയാസിനെ കടുത്ത ഭാഷയില് വിമര്ശിച്ചിരുന്ന പലരും ഷോയുടെ ഒടുവിലേക്ക് എത്തുമ്പോള് റിയാസിന്റെ ആരാധകരായി മാറുന്നതിനും ലോകം സാക്ഷ്യം വഹിച്ചു. താന് ബിഗ് ബോസ് വീട്ടില് നിന്നത് റിയല് ആയിട്ടാണെന്നായിരുന്നു റിയാസിന്റെ പ്രതികരണം. ഗെയിം ചേഞ്ചര് പുരസ്കാരം നല്കിയ ശേഷം താരത്തിന്റെ പ്രതികരണം ആരായുകയായിരുന്നു അവതാരകനായ മോഹന്ലാല്. ഇതൊരു ഗെയിം ഷോ ആയിട്ട് ഞാന് കണ്ടിട്ടില്ല. ഇത് റിയാലിറ്റി ടിവി ഷോയാണ്. ഞാന് ഇവിടെ റിയല് ആയിരുന്നു. പല ആള്ക്കാരേയും പോലെ മാസ്കിട്ട് കളിച്ച് പ്രേക്ഷകര പിന്തുണ നേടാന് ശ്രമിച്ചിട്ടില്ല. ഞാന് ഓരോ കാര്യങ്ങള് പറയുമ്പോഴും ആള്ക്കാര്ക്ക് അംഗീകരിക്കാന് ബുദ്ധിമുട്ടായിരിക്കുമെന്ന് എനിക്ക് അറിയാമായിരുന്നു. പക്ഷെ അതൊക്കെ എനിക്ക് പറയണമായിരുന്നുവെന്നും റിയാസ് പറയുന്നു.
https://www.facebook.com/Malayalivartha
