ബിഗ് ബോസ് നാലാം സീസണിന്റെ ഫിനാലെയിലേക്ക് എത്തിയപ്പോള്‍ ഏറ്റവും കൂടുതല്‍ കേട്ടത് ബ്ലെസ്ലിയും ദില്‍ഷയും തമ്മിലുള്ള സൗഹൃദമാണ്. ദില്‍ഷയോട് പ്രണയാഭ്യര്‍ഥന നടത്തിയ ബ്ലെസ്ലി അവളെ മോശമായി സ്പര്‍ശിച്ചു എന്നൊക്കെയാണ് ചിലര്‍ പറഞ്ഞുണ്ടാക്കിയത്. ബ്ലെസ്ലി അതിര്‍വരമ്പുകള്‍ കടന്ന് വന്നതായിട്ടുള്ള ആരോപണവും വന്നു. ഈ വിഷയത്തില്‍ പ്രതികരിക്കുകയാണ് ദില്‍ഷയിപ്പോൾ. ഒരാള്‍ക്ക് എന്നോട് ഇഷ്ടം തോന്നുന്നത് തെറ്റല്ല. എന്ന് കരുതി ഞാന്‍ ഫ്രണ്ട് ആയിട്ട് കാണുന്ന ആളിന്റെ സൗഹൃദം വേണ്ടെന്ന് വെക്കണമെന്ന് പറയുന്നതും ശരിയല്ല. കാരണം അവര്‍ എന്റെ ഫീലിങ്ങ്‌സിനെയും ബഹുമാനിക്കുന്നുണ്ട്. ഞാനെങ്ങനെ അതിനെ കാണുന്നുവെന്ന് അവര്‍ക്കറിയാം. അത്തരം അതിര്‍ വരമ്പുകള്‍ ആരും തെറ്റിച്ചിട്ടില്ല. ബ്ലെസ്ലിയെ എന്റെ സഹോദരനായിട്ടാണ് കാണുന്നതെന്ന് ഞാനെപ്പോഴും പറഞ്ഞിട്ടുണ്ട്. അങ്ങനെ ഞാന്‍ കാണുമ്പോള്‍ അവനെന്നെ തൊട്ടെന്ന് കരുതി വേറൊരു രീതിയില്‍ ചിന്തിക്കേണ്ടതില്ല. അവനും ആ രീതിയില്‍ ചെയ്തിട്ടുണ്ടെന്ന് ഞാന്‍ വിശ്വസിക്കുന്നില്ല. വിശ്വസിക്കാനൊട്ട് താല്‍പര്യവുമില്ല. പുറത്തിറങ്ങിയ ശേഷം ആ വീഡിയോസ് കണ്ടപ്പോഴാണ് ഇതൊക്കെ ഈ രീതിയിലാണ് പോയതെന്ന് വരെ മനസിലായത്. എന്റെ ചിന്തയിലൊന്നും അതില്‍ ഇല്ലായിരുന്നു. അതേസമയം ബിഗ് ബോസിൽ നിന്ന് പുറത്തായതിന് പിന്നാലെ ദിൽഷയോടുള്ള ഇഷ്‌ടം റോബിൻ തുറന്ന് പറഞ്ഞിരുന്നു. ഡോക്‌ടർ റോബിൻ എന്റെ ഫേവറേറ്റാണ്. ലക്ഷ്മി പ്രിയ ചേച്ചിയേയും ബ്ലസ്‌ലിയേയും ഇഷ്‌ടമാണെന്ന്  ദിൽഷ പറഞ്ഞു.