'ദേവദൂതർ പാടി' ഗാനത്തിന് കുഞ്ചാക്കോ ബോബൻ ഡാൻസ് വേർഷന് ചുവട് വച്ച് ഗായിക മഞ്ജരി. ന്നാ താൻ കേസ് കൊട്’ എന്ന സിനിമ തിയേറ്ററിൽ എത്തുന്നതിന് മുൻപ് തന്നെ കുഞ്ചാക്കോ ബോബൻ്റെ ഈ ചിത്രത്തിലെ ‘ദേവദൂതർ പാടി ‘ എന്ന പാട്ടിന് ചുവട് വച്ചു കൊണ്ടുള്ള ഡാൻസ് സോഷ്യൽ മീഡിയയിൽ വൈറലായിരുന്നു.

ഒരു കോടിയിലധികം ജനങ്ങളാണ് ഈ പാട്ട് ഏറ്റെടുത്തത്. നിരവധി പേരാണ് കുഞ്ചാക്കോ ബോബനെ അനുകരിച്ച് രംഗത്ത് എത്തിയത്. മദ്യം കഴിച്ച് പൂരപ്പറമ്പിൽ ഡാൻസ് കളിക്കുന്ന നാട്ടും പുറത്തുകാരനായ ഒരാളായാണ് കുഞ്ചാക്കോ ബോബൻ ഡാൻസ് കളിക്കുന്നത്. ഈ ഗാനത്തിന്റെ റീൽസ് പ്രമുഖ നടന്മാർ സഹിതം ചെയ്തിരുന്നു.

ഇതിന് പിന്നാലെയാണ് മഞ്ജരി ഈ പാട്ടിന് ചുവടുവച്ചത്. കുടുംബാംഗങ്ങൾക്കൊപ്പം ആണ് മഞ്ജരിയുടെ പ്രകടനം. ഗായികയുടെ രസകരമായ വീഡിയോ ഇതിനകം ആരാധകർക്കിടയിൽ ചർച്ചയായി കഴിഞ്ഞു. രതീഷ് ബാലകൃഷ്ണൻ പൊതുവാൾ സംവിധാനം ചെയ്യുന്ന ‘ന്നാ താൻ കേസ് കൊട്’ എന്ന ചിത്രം ആഗസ്ത് 11നാണ് റിലീസിനൊരുങ്ങുന്നത്.