ഡോണിന്റെ വീട്ടില് വന്നപ്പോള് എല്ലാവരും സംസാരം കുറവായിരുന്നു... ഒരു അവാര്ഡ് പടം പോലെയായിരുന്നു... തുടക്കത്തില് ഡിവൈനിനോട് സംസാരിക്കാന് പേടിയായിരുന്നു എന്ന് ഡിംപിളും; മേഘ്നയ്ക്ക് പകരം സഹോദരന്റെ ജീവിതത്തിലേക്ക് എത്തിയ ഡിവൈനെകുറിച്ച് ആദ്യമായി തുറന്ന് പറഞ്ഞ് ഡിംപിള്
വളരെ ചെറുപ്പത്തിൽ തന്നെ ബിഗ്സ്ക്രീനിലെത്തിയ താരമായിരുന്നു ഡിംപിൾറോസ്. വലുതായപ്പോൾ മിനിസ്ക്രീനിൽ തിളങ്ങി. സീരിയലുകളിലൂടെ മലയാളികളുടെ ഉള്ളിൽ തന്റേതായ സ്ഥാനം നേടിയെടുത്തതും വളരെ പെട്ടന്നായിരുന്നു. ഡിംപിളിന്റെ സഹോദരന് ഡോണിനെ വിവാഹം ചെയ്തത് ഡിംപിളിന്റെ ഏറ്റവും അടുത്ത സുഹൃത്ത് മേഘ്നയെ ആയിരുന്നു. അന്ന് ചന്ദനമഴ എന്ന സീരിയലിലൂടെ ഹിറ്റായി നില്ക്കുന്ന നടി മേഘ്ന വിന്സെന്റ് ആയിരുന്നു ഡോണിന്റെ വധു. എന്നാല് ആ ദാമ്പത്യ ജീവിതം നല്ല രീതിയില് മുന്നോട്ട് പോയില്ല. പാതിയില് വച്ച് വിവാഹ മോചിതരായി. അതിന് ശേഷം ഡോണ് വിവാഹം ചെയ്ത ആളാണ് ഡിവൈന്. ഇപ്പോള് ആ ബന്ധത്തില് ഒരു കുഞ്ഞും ഉണ്ട്. വിവാഹം ചെയ്ത് താന് ഡോണിന്റെ വീട്ടിലേക്ക് വരുമ്പോള് ഉണ്ടായിരുന്ന അവസ്ഥയെ കുറിച്ച് തുറന്ന് പറയുകയാണിപ്പോള് ഡിവൈന്.
അനു ജോസഫ് ഡിംപിളിനെ കാണാനായി വീട്ടില് പോയപ്പോഴാണ് ഡിവൈന് താന് ഈ വീട്ടിലേക്ക് വരുമ്പോഴുണ്ടായിരുന്നുവരുടെ അവസ്ഥയെ കുറിച്ച് പറഞ്ഞത്. വളരെ അധികം സംസാരപ്രിയയാണ് ഡിവൈന്. എന്നാല് ഡോണിന്റെ വീട്ടില് വന്നപ്പോള് എല്ലാവരും സംസാരം കുറവായിരുന്നു. ഒരു അവാര്ഡ് പടം പോലെയായിരുന്നു എന്നാണ് ഡിവൈന് പറയുന്നത്. തുടക്കത്തില് ഡിവൈനിനോട് സംസാരിക്കാന് പേടിയായിരുന്നു എന്ന് ഡിംപിളും പറയുന്നു. പറയുന്നത് എങ്ങിനെ മനസ്സിലാക്കും, എടുക്കും എന്നൊന്നും അറിയില്ലല്ലോ. അല്ലെങ്കിലും ഞാന് പൊതുവെ സംസാരം കുറവായിരുന്നു. ഡിവൈനിനൊപ്പം കൂടിയതിന് ശേഷമാണ് ഞാനും ഇപ്പോള് ധാരാളം സംസാരിക്കാന് തുടങ്ങിയത്. ഞാന് ഒരു വ്ളോഗ് ആരംഭിയ്ക്കാന് ഏറ്റവും അധികം സപ്പോര്ട്ട് ആയത് ഡിവൈന് ആണെന്നും ഡിംപിള് പറയുന്നു. ചോദിച്ചത്തിന് മാത്രം മറുപടി പറയുന്നതായിരുന്നു തന്റെയും ശീലം എന്ന് അമ്മയും പറഞ്ഞു. എന്നാല് പിന്നീട് ഡിവൈനിന് അത് ഒരു വിഷമമായി തുടങ്ങി എന്ന് മനസ്സിലായതോടെ എല്ലാവരും സംസാരിച്ചു തുടങ്ങുകയായിരുന്നു. ഇപ്പോള് എല്ലാവരും സംസാരിക്കാന് തുടങ്ങിയാല് നിര്ത്താന് പാടായി എന്ന അവസ്ഥയിലായി കാര്യങ്ങള് എന്ന് ഡിംപിള് പറയുന്നു.
https://www.facebook.com/Malayalivartha
