പണം കടം വാങ്ങിയതുമായി ബന്ധപ്പെട്ടുണ്ടായ തര്‍ക്കത്തില്‍ മലയാളം ചലച്ചിത്രതാരം വിജയകുമാറിനെ മൂന്നംഗ സംഘം ആക്രമിച്ചു. കയ്യേറ്റത്തില്‍ താരത്തിന് മുഖത്ത് പരിക്കേറ്റിട്ടുണ്ട്. കടം വാങ്ങിയ പണം തിരികെ നല്‍കാത്തതിനെ തുടര്‍ന്നുണ്ടായ തര്‍ക്കമാണ് അക്രമത്തില്‍ കലാശിച്ചതെന്നാണ് പറയപ്പെടുന്നത്.

സംഭവത്തില്‍ നജീബ് , സഹോദരന്‍ മുജീബ് , സുധീര്‍ എന്നിവരെ പാലാരിവട്ടം പോലീസ് അറസ്റ്റ് ചെയ്തു. കാറിലെത്തിയ സഹോദരങ്ങള്‍ വിജയകുമാറിന്റെ കാര്‍ തടഞ്ഞുനിര്‍ത്തുകയും കയ്യേറ്റം നടത്തുകയുമായിരുന്നു. വിജയകുമാറിന്റെ പരാതിയെ തുടര്‍ന്ന് പോലീസ് കേസെടുത്തിട്ടുണ്ട്. ഒരാള്‍ താരത്തിന്റെ മുഖത്തടിച്ചു.

സഹോദരങ്ങളായ നജീബ്, മുജീബ് എന്നിവരുടെ ബന്ധുവാണ് സുധീര്‍. ഇവരില്‍ നിന്നും വിജയകുമാര്‍ 80 ലക്ഷം രൂപ കടം വാങ്ങിയിരുന്നു. ഞായറാഴ്ച വൈകുന്നേരം 6.30-ഓടെ കാറില്‍ എത്തിയ വിജയകുമാറിനെ തടഞ്ഞു നിര്‍ത്തി പണം തിരിച്ചു നല്‍കുന്നതുമായി ബന്ധപ്പെട്ട കാര്യങ്ങള്‍ സംസാരിക്കുന്നതിനിടെ തര്‍ക്കത്തിലേക്കും പിന്നീട് കയ്യേറ്റത്തിലേക്കും മാറുകയായിരുന്നു. വിജയകുമാറിന്റെ പരാതിയില്‍ മൂന്ന് പേര്‍ക്കെതിരേയും കേസെടുത്തു. ഇവര്‍ പിന്നീട് ജാമ്യം നേടുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha