ഷാരൂഖിന് മുംബൈ വിട്ട് ബാംഗ്ലൂരിലേക്ക് താമസം മാറുന്നുവെന്ന് റിപ്പോര്‍ട്ട്. അസഹിഷ്ണുതാ വിവാദവും തുടരെ തുടരെയുള്ള കേസുകളും വിട്ട്മാറാത്ത സാഹചര്യത്തില്‍ ബോളീവുഡ് കിംങ് ഖാന്‍ മുബൈല്‍ നിന്ന് ബാംഗ്ലൂരിലേക്ക് താമസം മാറുന്നു. രാജ്യത്ത് അസഹിഷ്ണുതയുണ്ടെന്ന് പറഞ്ഞ് വിവാദങ്ങളില്‍പ്പെട്ട ഷാരൂഖിന് കേന്ദ്രം പകവീട്ടല്‍ നടപിടിയിലേക്ക് നീങ്ങുന്നുവെന്ന തോന്നല്‍ ഉണ്ടായിരുന്നുവെന്നും വിമര്‍ശനങ്ങള്‍ ഉയര്‍ന്നിരുന്നു. അസഹിഷ്ണുതാ വിവാദത്തിന് പിറകേ കേന്ദ്ര എന്‍ഫോഴ്‌സ്‌മെന്റ് ഷാറൂഖിനെ നാലുമണിക്കൂര്‍ തുടര്‍ച്ചയായി ചോദ്യം ചെയ്തിരുന്നു. ഇതിനെ തുടര്‍ന്നാണ് തന്റെ താമസ സ്ഥലം ബാംഗ്ലൂരിലേക്ക് മാറ്റുന്നതിനെ കുറിച്ച് താരം ആലോചിച്ചത്.
മാത്രമല്ല ഷാറൂഖിന് ബാംഗ്ലൂരുമായി ബന്ധവും ഉണ്ട്. അടുത്തിടെ ഒരു സ്വകാര്യ ചടങ്ങിനുവേണ്ടി ബാംഗ്ലൂരിലെത്തിയ നടന്‍ നഗരത്തോടുള്ള പ്രിയം വെളിപ്പെടുത്തി ഇവിടേക്ക് താമസം മാറാന്‍ ആഗ്രഹിക്കുന്ന കാര്യം പറഞ്ഞിരുന്നു. ഇതോടെ നഗരത്തിലെ ജയമഹാല്‍ നന്ദിദുര്‍ഗ റോഡിലെ 18ാം നമ്പര്‍ വീട് ശ്രദ്ധാകേന്ദ്രമാകുകയാണ്.ഷാരൂഖിന്റെ മുത്തച്ഛനായ ഇഫ്തിക്കര്‍ അഹമ്മദ് വര്‍ഷങ്ങളോളം താമസിച്ച വീടാണിത്. ബാല്യകാലസ്മരണകളുറങ്ങുന്ന ഈ വീട് പുനര്‍നിര്‍മ്മിച്ച് താമസം തുടങ്ങാനാണ് ഷാരൂഖ് താത്പര്യം പ്രകടിപ്പിച്ചിരിക്കുന്നത്.
ജയമഹാലിലെ വീട്ടില്‍ താമസിച്ചിരുന്ന ഷാരൂഖ് ഖാന്റെ അമ്മാവനായ സലിം അഹമ്മദും കുടുംബവും താമസം മാറിയതോടു കൂടിയാണ് വാര്‍ത്ത സത്യമാണെന്നു വിശ്വസിക്കാന്‍ തുടങ്ങിയത്. വീട് പുനര്‍നിര്‍മ്മിക്കാനുള്ള പദ്ധതിയുണ്ടെന്നും ഭാര്യയ്ക്കും കുട്ടികള്‍ക്കുമൊപ്പം കുറേക്കാലം ഇവിടെ താമസിക്കാനാണ് ഷാരൂഖിന്റെ പരിപാടിയെന്ന് അവര്‍ പറഞ്ഞിരുന്നു.ഷാരൂഖ് തന്റെ കുട്ടിക്കാലം ചിലവഴിച്ചത് ഈ വിട്ടിലായിരുന്നു. ജോലിയുമായി ബന്ധപ്പെട്ട് തിരക്കിലായിരുന്ന ഷാരൂഖിന്റെ മാതാപിതാക്കള്‍ കുഞ്ഞായിരുന്ന ഷാരൂഖിനെ മുത്തശ്ശനും കര്‍ണാടക പൊതുമരാമത്ത് വകുപ്പിലെ എന്‍ജിനീയര്‍
ഇന്‍ചീഫായിരുന്ന ഹൈദരാബാദ് സ്വദേശി ഇഫ്തിക്കര്‍ അഹമ്മദിനെ ഏല്‍പ്പിച്ചു. അങ്ങിനെ ഷാരൂഖ് മുത്തശ്ശനോടൊപ്പമാണ് കുട്ടിക്കാലം ചെലവിട്ടത് ജയമഹാലിലെ ഈ വീട്ടിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha