അച്ഛനെയും അമ്മയെയും വേര്‍പിരിഞ്ഞ് ദുബായില്‍ കഴിയുന്നതില്‍ മീരാനന്ദന് വിഷമം. സാധാരണ ലൊക്കേഷനില്‍ അമ്മയോ അച്ഛനോ മീരയുടെ കൂടെ കാണും. ദുബയില്‍ തനിച്ചാണ് ജോലിക്ക് പോകുന്നതും വരുന്നതും. മാതാപിതാക്കളില്ലാത്ത ആദ്യത്തെ പിറന്നാളാണ് താരം അടുത്തിടെ ആഘോഷിച്ചത്. പിറന്നാളിന്റെ അന്ന് ഫ്രണ്ട്‌സ് അച്ഛനെയും അമ്മയെയും വിളിച്ച് പിറന്നാള്‍ ആശംസ റെക്കോഡ് ചെയ്ത് താരത്തെ കേള്‍പ്പിച്ചു. അത് വലിയ സര്‍പ്രൈസ് ആയിരുന്നെന്ന് താരം പറഞ്ഞു. 

സിനിമയുടെ ചിത്രീകരണത്തിനിടെ ഒരുപാട് സമയം ലഭിക്കും എന്നാല്‍ റേഡിയോ ജോക്കിക്ക് അത് ലഭിക്കില്ല. തുടര്‍ച്ചയായി എട്ട് മണിക്കൂര്‍ ജോലി പരിചയവും ഇല്ലെന്ന് താരം. അതുകൊണ്ട് വീക്ക് എന്‍ഡിനായി താരം ഇപ്പോള്‍ കാത്തിരിക്കുകയാണ്. സിനിമയിലായിരുന്നപ്പോള്‍ അവധികളുടെ പ്രാധാന്യം അറിയില്ലായിരുന്നു. ഇന്ന് ഫുള്‍ കറക്കമാണ്. കുറച്ച് കാലം മുമ്പ് വരെ നല്ല സിനിമകളില്‍ അഭിനയിക്കുക മാത്രമായിരുന്നു ആഗ്രഹം. എന്നാല്‍ ഇന്ന് നല്ലൊരു ആര്‍.ജെ ആവണമെന്നും മീര മോഹിക്കുന്നു. 

അഭിനയം പോലെ തന്നെ ഏറെ പ്രയാസമുള്ള ജോലിയാണ് റേഡിയോ ജോക്കിയെന്ന് താരം പറഞ്ഞു. പുസ്തകങ്ങള്‍ തേടിപ്പിടിച്ച് വായിക്കാന്‍ തുടങ്ങി. നമ്മുടെ സംസാരം ആളുകളെ ബോറടിപ്പിക്കരുതല്ലോ. ബി കമ്പനി എന്ന ചാറ്റ് ഷോയാണ് മീര അവതരിപ്പിക്കുന്നത്. അതില്‍ സിനിമയിലെ അനുഭവങ്ങളും മീര അവതരിപ്പിക്കുന്നുണ്ട്. ഒരാള്‍ മാത്രമുള്ള ചാറ്റ് ഷോകള്‍ ദുബയില്‍ കുറവാണെന്നും താരം പറഞ്ഞു. നല്ല വേഷം കിട്ടിയാല്‍ താമസിക്കാതെ കേരളത്തിലേക്ക് വരുമെന്നും മീര പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha