മണിരത്‌നത്തിന്റെ ആവശ്യപ്രകാരം കാര്‍ത്തി തടികുറയ്ക്കുന്നു. എത്ര ഭാരം കുറച്ചാലും സ്‌ക്രീനില്‍ കാണുമ്പോള്‍ തനിക്ക് വണ്ണം തോന്നുമെന്ന് താരം പറഞ്ഞു. കുറച്ചുകൂടി ഫിറ്റാകാനുള്ള വര്‍ക്കൗട്ട് തുടങ്ങി. പുതിയ ചിത്രമായ തോഴയില്‍ നാഗാര്‍ജുനയ്ക്ക് ഒപ്പമാണ് അഭിനയിച്ചിരിക്കുന്നത്. അതില്‍ തന്നേക്കാള്‍ ചെറുപ്പമാണ് നാഗാര്‍ജുനയെന്ന് താരം പറഞ്ഞു. രണ്ട് വ്യക്തികള്‍ തമ്മിലുള്ള പോസിറ്റീവായ ബന്ധമാണ് തോഴയില്‍ പറയുന്നത്. അടുത്തിടെ ഇറങ്ങിയ ചിത്രങ്ങള്‍ പരാജയപ്പെട്ടതോടെ സെലക്ടീവാകാനാണ് തീരുമാനം. 

ചേട്ടന്‍ സൂര്യ വ്യത്യസ്തമായ കഥാപാത്രങ്ങള്‍ ചെയ്യുമ്പോള്‍ താനും ചെയ്ഞ്ചാകാന്‍ തീരുമാനിച്ചതായി താരം പറഞ്ഞു. ഫ്രഞ്ച് സിനിമയുടെ റീമേക്കാണ് തോഴ. നാഗാര്‍ജുനയ്‌ക്കൊപ്പം തുല്യവേഷം. സിനിമ കണ്ട് തുടങ്ങിയ കാലം മുതല്‍ നാഗാര്‍ജുനയുടെ ആരാധകനാണ് കാര്‍ത്തി. അതുകൊണ്ട് കൂടിയാണ് തോഴയില്‍ അഭിനയിച്ചത്. നടി കല്‍പ്പനയും ചിത്രത്തിലുണ്ടായിരുന്നു. അവരുമൊത്തുള്ള അഭിനയം രസകരമായിരുന്നെന്ന് കാര്‍ത്തി ഓര്‍മിച്ചു. തന്നെ മോനെ എന്ന് മാത്രമേ കല്‍പ്പന വിളിച്ചിരുന്നുള്ളൂ എന്നും പറഞ്ഞു. 

നല്ല വേഷങ്ങള്‍ ലഭിച്ചാല്‍ മലയാളത്തിലും അഭിനയിക്കാമെന്ന് താരം പറഞ്ഞു. മോഹന്‍ലാലിനൊപ്പം അഭിനയിക്കണമെന്നത് വലിയ ആഗ്രഹമാണ്. മലയാളസിനിമകള്‍ മുടങ്ങാതെ കാണാറുണ്ട്. പ്രേമവും മൊയ്തീനും ഇഷ്ടമായി. യുവനിരയില്‍ പൃഥ്വിരാജിനെ ഇഷ്ടമാണ്. നിവിന്‍പോളിയും ദുല്‍ഖറും കൊള്ളാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha