പ്രത്യുഷ ബാനര്‍ജി ആത്മഹത്യ ചെയ്ത കേസില്‍ പുതിയ വഴിത്തിരിവ്. ഫോറന്‍സിക് സര്‍ജന്‍ പുറത്തു വിട്ട് റിപ്പോര്‍ട്ടില്‍ നിന്നാണ് പ്രത്യുഷ ഗര്‍ഭിണിയായിരുന്നു എന്നതിന്റെ സൂചനകള്‍ ലഭിച്ചത്. ഗര്‍ഭപാത്രത്തില്‍ കാണപ്പെട്ട കട്ടിയുള്ള ദ്രവമാണ് സംശയത്തിന് ഇടയാക്കിയത്. ഇത് ഗര്‍ഭത്തിന്റെ ആദ്യ നാളുകളില്‍ കാണപ്പെടുന്നതാണ്. പ്രത്യുഷയുടെ ഗര്‍ഭപാത്രത്തില്‍ നിന്ന് സ്വീകരിച്ച ദ്രവം പരിശോധനകള്‍ക്ക് അയച്ചിരിക്കുകയാണ്. കാര്യങ്ങള്‍ സ്ഥിരികരിക്കണമെങ്കില്‍ പരിശോധന റിപ്പോര്‍ട്ട് പുറത്തു വരണം. പ്രത്യുഷുടെ കാമുകനായ രാഹുല്‍ രാജ് സംശയത്തിന്റെ നിഴലിലാണ്. ഇയാളെ ശ്വാസം മുട്ടല്‍, നെഞ്ചുവേദന എന്നിവയെ തുടര്‍ന്ന് ആശുപത്രിയില്‍ പ്രവേശിപ്പിച്ചിരുന്നു.
രണ്ടു ദിവസമായി രാഹുലിനെ ചോദ്യം ചെയ്തു വരികയാണ്. പോസ്റ്റ്‌മോര്‍ട്ടം റിപ്പോര്‍ട്ടില്‍ മരണം ആത്മഹത്യയാണെന്ന് സാധൂകരിക്കുന്ന തെളിവുകള്‍ ലഭിച്ചിരുന്നു. പ്രത്യുഷയുടെ ഇടത് കയ്യില്‍ ബ്ലയിഡ് ഉപയോഗിച്ച് മുറിച്ച് പാടുകള്‍ കാണപ്പെട്ടിരുന്നു. ഇത് ആത്മഹത്യ എന്ന സംശയത്തെ ബലപ്പെടുത്തുന്നതാണ്. എന്നാല്‍ കാമുകന്‍ രാഹുലാണ് മകളുടെ മരണത്തിന് കാരണമെന്ന ആരോപണവുമായി പ്രത്യുഷയുടെ അമ്മ രംഗത്ത് എത്തിരുന്നു. കഴിഞ്ഞ് 5 മാസത്തിനിടയില്‍ ഇവര്‍ രണ്ട് തവണ ആത്മഹത്യക്ക് ശ്രമിച്ചിരുന്നു എന്ന്് സുഹൃത്തുക്കള്‍ പറയുന്നു. ബാലിക വധു എന്ന സീരിയലിലൂടെ ജനപ്രീയായാ നടിയാണ് പ്രത്യുഷ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha