അല്ലെങ്കിലും ഈ താരങ്ങളുടെ കാര്യത്തില്‍ നാട്ടുകാര്‍ക്ക്‌ വലിയ താത്‌പര്യമാ. താരങ്ങളുടെ വിവാഹം അവരവരുടെ കുടുംബത്തില്‍ നടക്കുന്നതുപോലെയുള്ള ആകാംക്ഷയും താത്‌പര്യവുമാണ്‌ ഓരോരുത്തര്‍ക്കും. വേര്‍പിരിയുന്ന താരങ്ങളെയോര്‍ക്കുമ്പഴാ സങ്കടം.  വിവാഹ ബന്ധത്തില്‍ നിന്നും വേര്‍പിരിഞ്ഞ താരങ്ങളുടെ പട്ടികയിലേക്ക്‌ മംമ്‌താ മോഹന്‍ദാസും. കഴിഞ്ഞ വര്‍ഷം നവംബറിലായിരുന്നു മംമ്‌തയും ബെഹ്‌റനിലെ ബിസിനസുകാരനായ പ്രിജിത്തും തമ്മിലുള്ള വിവാഹം. വര്‍ഷങ്ങല്‍ നീണ്ട സൗഹൃദത്തിനുശേഷമായിരുന്നു വിവാഹം.
വ്യത്യസ്‌ത വ്യക്തിത്വമാണ്‌ ഇരുവര്‍ക്കുമെന്നാണ്‌ വിവാഹ മോചനത്തിന്‌ കാരണമായി മംമ്‌ത പറയുന്നത്‌. ഇനിയും ഒരുപാടുകാലം ഒന്നിച്ച്‌ ജീവിക്കാന്‍ കഴിയില്ല. പരസ്‌പരം ആലോചിച്ചെടുത്ത തീരുമാനമാണ്‌. ദാമ്പത്യം കൂടുതല്‍ വഷളാവുന്നതിനുമുന്‍പ്‌ നിയമപരമായി വേര്‍പിരിയാനുള്ള ശ്രമത്തിലുമാണ്‌.