സായിപ്പന്മാര് പോലും കണ്ണു തള്ളി... മലയാളി കൂടിയായ പ്രിയങ്ക ചോപ്രയുടെ വരവ് കിടിലന് തന്നെ...
എഴുപത്തിനാലാമത് ഗോള്ഡന് ഗ്ലോബ് പുരസ്കാരങ്ങള് പ്രഖ്യാപിച്ചപ്പോള് തിളങ്ങിയത് മലയാളി കൂടിയായ പ്രിയങ്ക ചോപ്രയാണ്. അത്രയ്ക്ക് വരവേല്പ്പാണ് പ്രിയങ്കയ്ക്ക് ലഭിച്ചത്.
പ്രിയങ്ക ചോപ്രയുടെ മലയാള ബന്ധം അടുത്തിടെയാണ് പുറത്തായത്. മലയാളിയായ പ്രിയങ്കയുടെ മുത്തശ്ശിയായ മേരി ജോണ് അഖൗരിയുടെ (93) ശവസംസ്കാരം നടത്താന് പള്ളിയധികാരികള് വിസമ്മതിച്ചത് ഏറെ വാര്ത്തയായി. അവസാനം ഉന്നതര് ഇടപെട്ട് പൊന്കുന്നം സെന്റ് തോമസ് യാക്കോബയ പള്ളിയില് സംസ്കാരം നടത്തി.
കുമരകം കവളപ്പാറ കുടുംബാംഗമാണ് പ്രിയങ്ക ചോപ്രയുടെ മുത്തശ്ശി മലയാളിയായ മേരി ജോണ് അഖൗരി . അറുപതു വര്ഷങ്ങള്ക്കു മുന്പ് കുമരകത്ത് നിന്നും ബീഹാറിലേക്ക് പോയ മേരി, പിന്നീടു തന്റെ ജീവിതം അവിടെയാണ് കഴിച്ചു കൂട്ടിയത്. പ്രിയങ്കയുടെ അമ്മ മധു അശോക് ചോപ്രയുടെ മാതാവാണ് മേരി അഖൗരി. ബീഹാറിലെ എം.എല്.സി ആയിരുന്ന പരേതനായ ഡോ. അഖൗരിയുടെ ഭാര്യയാണ് മേരി ജോണ്. ഇങ്ങനെ മലയാള ബന്ധമുള്ള പ്രിയങ്ക ചോപ്രയുടെ നല്ല ദിവസങ്ങളിലൊന്നാണിന്ന്.
എഴുപത്തിനാലാമത് ഗോള്ഡന് ഗ്ലോബ് വേദിയില് പ്രിയങ്ക തിളങ്ങിയത് അവാര്ഡ് താരമായല്ല. മറിച്ച് അവതാരകയായാണ്. തികച്ചും ഗ്ലാമര് വേഷത്തില് പ്രിയങ്ക വേദിയിലെത്തിയപ്പോള് കരഘോഷം മുഴങ്ങി. പ്രിയങ്കയുടെ വേഷം കണ്ട് സായിപ്പന്മാര് പോലും കണ്ണു തള്ളി. ഇറക്കി വെട്ടിയ കണ്ണഞ്ചിപ്പിക്കുന്ന ഗൗണ് ധരിച്ചാണ് പ്രിയങ്ക എത്തിയത്. പ്രിയങ്കയുടെ അംഗലാവണ്യം സായിപ്പന്മാരും ലോകത്തെമ്പാടുമുള്ള കോടിക്കണക്കിന് ആരാധകരും ലൈവായി കണ്ടു.
നടി, ഗായിക , മോഡല് തുടങ്ങി ഒരുപാട് വിശേഷണങ്ങളുള്ള ബോളിവുഡ് സൂപ്പര് നായിക ബോളിവുഡും കടന്നു ഹോളിവുഡിലും സാന്നിധ്യമറിയിച്ചതിനു പിന്നാലെയാണ് ഗോള്ഡന് ഗ്ലോബിലെത്തിയത്.
റിഹേഴ്സലിന്റെ ദൃശ്യങ്ങള് ഇതിനോടകം തന്നെ സൂപ്പര് ഹിറ്റായിരുന്നു. അമേരിക്കന് ടെലി സീരിസായ ക്വാണ്ടിക്കോയിലൂടെയാണ് പ്രിയങ്ക ചോപ്ര ഹോളിവുഡിലേക്ക് ചുവടുവച്ചത്. 34കാരിയായ പ്രിയങ്ക അമേരിക്കന് സീരിയലുകളിലൂടെ അവിടേയും ശ്രദ്ധേയയായി.
https://www.facebook.com/Malayalivartha
