ബോളിവുഡ് എന്നാല് കള്ളപ്പണം; തമിഴില് ഒതുങ്ങാന് കാരണം പറഞ്ഞ് കമല് ഹാസന്
ബോളിവുഡില് നിന്ന് മാറാന് കാരണം കള്ളപ്പണത്തോടുള്ള വെറുപ്പാണെന്ന് കമല് ഹാസന്. സംവിധായകനും ഛായാഗ്രാഹകനുമായ എ വിന്സന്റ് കള്ളപ്പണം ഉപയോഗിക്കാത്ത അപൂര്വം സിനിമാക്കാരില് ഒരാളായിരുന്നുവെന്നും ഇന്ത്യാ ടുഡേ സൗത്ത് കോണ്ക്ലേവ് 2017 ല് കമല് പറഞ്ഞു.
ബോളിവുഡില് നിന്ന് തമിഴ്സിനിമയിലേക്ക് മടങ്ങിവരാന് എന്നെ പ്രരിപ്പിച്ചത് അവിടുത്തെ കള്ളപ്പണത്തിന്റെ ഒഴുക്കാണ്. അന്നത്തെ കാലത്ത് അധോലോകവുമായി പല സിനിമാ പ്രവര്ത്തകര്ക്കും ബന്ധമുണ്ടായിരുന്നു. അതിന് വഴങ്ങിക്കൊടുക്കാനോ അല്ലെങ്കില് എതിര്ക്കാനോ ഞാന് നിന്നില്ല. എനിക്ക് കള്ളപ്പണം ആവശ്യമില്ലായിരുന്നു. കള്ളപ്പണം തൊടാതെ ജീവിക്കുന്നവനാണെന്ന് എനിക്ക് ഉറപ്പിച്ചു പറയാന് സാധിക്കും.
അതുപോലെ തന്നെയായിരുന്നു ഛായാഗ്രാഹകന് എ വിന്സന്റും- കമല് പറഞ്ഞു. സിനിമയില് അഭിനേതാക്കള് പുകവലിക്കുന്നത് കാണിക്കുന്നതിനെക്കുറിച്ചും കമല് തന്റ നിലപാട് വ്യക്തമാക്കി. ഞാന് പുകവലി തുടങ്ങാന് കാരണം മറ്റാരുമല്ല സാക്ഷാല് ശിവാജി ഗണേശനാണ്. അത്രയും സ്വാഭാവികമായ പുകവലിയായിരുന്നു അദ്ദേഹത്തിന്റേത്. എന്റെ ഒരുപാട് സുഹൃത്തുക്കള് പുകവലി മൂലം കാന്സര് ബാധിച്ച് മരിച്ചിട്ടുണ്ട്. അതുകണ്ട് പുകവലി അവസാനിപ്പിച്ചതാണ് ഞാന്. കഥാപാത്രത്തിന് ആവശ്യമാണെങ്കില് മാത്രം ഞാന് സിനിമയില് പുകവലിക്കും - കമല് കൂട്ടിച്ചേര്ത്തു.
https://www.facebook.com/Malayalivartha
