കുഞ്ഞുങ്ങള്‍ക്ക് ഐസ്‌ക്രീം വാങ്ങി നല്‍കരുതേ വിപണിയിലെത്തുന്നതിലേറെയും വ്യാജന്‍മാരാണ്, മാഗിക്ക് പിന്നാലെ ഐസ്‌ക്രീമും ആരോഗ്യത്തിന് വിനയാവുന്നു.
പ്രമുഖ കമ്പനികളുടെ ഐസ്‌ക്രീം വരെ വ്യാജനാണെന്നാണ് കണ്ടെത്തിയിരിക്കുന്നത്. ഫ്രോസന്‍ ഡസര്‍ട്ട് എന്ന പേരില്‍ വിപണിയിലെത്തുന്ന ഐസ്‌ക്രീം അപകടകരമാണ്.
ഐസ്‌ക്രീം നിര്‍മ്മിക്കുന്നതിന് പാല്‍, വെണ്ണ, പഞ്ചസാര എന്നിവയാണ് ഉപയോഗിക്കുന്നത്. എന്നാല്‍ ഗുണമേന്‍മയില്ലാത്ത പാല്‍പ്പൊടി, വെജിറ്റബിള്‍ ഓയില്‍, സോയ ഐസോലേറ്റ് തുടങ്ങിയ ഉല്പന്നങ്ങളാണ് ഇന്ന് ഉപയോഗിക്കുന്നത്. ഇതില്‍ സോയ ഐസോലേറ്റ് എന്താണെന്ന് ആര്‍ക്കുമറിവില്ല. ഭക്ഷ്യസുരക്ഷാ വകുപ്പ് ഉദ്യോഗസ്ഥര്‍ക്കു പോലും.
ഐസ്‌ക്രീം സ്‌കൂപ്പെടുക്കുമ്പോള്‍ ആകൃതിക്ക് വേണ്ടിയാണ് ഇത്തരം കെമിക്കലുകള്‍ ചേര്‍ക്കുന്നതെന്നാണ് സൂചന. ഐസ്‌ക്രീമിന് നിറവും മണവും ലഭിക്കാനും കെമിക്കലുകള്‍ ചേര്‍ക്കാറുണ്ട്.
ഹിന്ദുസ്ഥാന്‍ യൂനിലിവര്‍ ക്വാളിറ്റി വാള്‍സ് എന്ന പേരില്‍ പുറത്തിറങ്ങിയ ഐസ്‌ക്രീമില്‍ യഥാര്‍ത്ഥ ഐസ്‌ക്രീം ചേരുവകളില്ലാത്തതിനാല്‍ ഗുജറാത്തിലെ അമൂല്‍ കമ്പനി കോടതിയില്‍ കേസ് ഫയല്‍ ചെയ്തിരുന്നു. ഇതേ തുടര്‍ന്ന് ഫ്രോസന്‍ ഡസേര്‍ട്ട് ഐസ്‌ക്രീം വിപണിയിലിറക്കുന്നത് കോടതി തടഞ്ഞിരുന്നു.
ഗുണമേന്‍മയില്ലാത്ത ഭക്ഷ്യസാധനങ്ങള്‍ പുറത്തിറക്കുന്നത് ക്രിമിനല്‍ കുറ്റമാണ്. എന്നാല്‍ ഭക്ഷ്യസാധനങ്ങള്‍ മായം ചേര്‍ക്കുന്നതിനെതിരെയുള്ള എജന്‍സികള്‍ ഐസ്‌ക്രീമുകള്‍ പിടിക്കുന്നില്ല. ഐസ്‌ക്രീം കഴിക്കുന്നത് കുട്ടികളാകുമ്പോള്‍ നിയമം കര്‍ശനമായി നടപ്പിലാക്കേണ്ടതാണ്.
ഐസ്‌ക്രീമില്‍ നിറം വരുത്താന്‍ ഉപയോഗിക്കുന്ന നിറങ്ങള്‍ പണ്ടേ ഹാനികരമാണ്. ഭക്ഷ്യസുരക്ഷാ വകുപ്പിലെ ഉദ്യോഗസ്ഥര്‍ക്കാകട്ടെ ആധുനിക മായം ചേര്‍ക്കലുകളെ കുറിച്ച് ധാരണ കുറവാണ്. അതുകൊണ്ടു തന്നെ അവര്‍ ഇത്തരം മായങ്ങള്‍ കണ്ടില്ലെന്ന് നടിക്കുന്നു.
കുഞ്ഞുങ്ങള്‍ക്ക് ഐസ്‌ക്രീം വാങ്ങി കൊടുക്കാതിരിക്കുകയാണ് ഏക പോംവഴി. ഓരോ രക്ഷകര്‍ത്താവും ഇത്തരത്തില്‍ ചിന്തിക്കണമെന്നു മാത്രം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha