സെന് കുമാറിന്റെ ഉത്തരവിന് എന്തു വില; മന്ത്രിമാര് പി പി പി മുഴക്കി പാഞ്ഞുകൊണ്ടേയിരിക്കുന്നു
റ്റി. പി സെന്കുമാറിന്റെ സര്ക്കുലറിന് ആയുസ് 24 മണിക്കൂര്. ബുധനാഴ്ച സെക്രട്ടേറിയറ്റിലെത്തിയ മന്ത്രിമാര്ക്ക് വേണ്ടി ട്രാഫിക് ലൈറ്റുകള് ഓഫാക്കി. പോലീസ് ആസ്ഥാനത്ത് എത്തിയ ഉയര്ന്ന ഉദ്യോഗസ്ഥര്ക്ക് വേണ്ടി ട്രാഫിക് നിയമങ്ങള് ലംഘിച്ച് വാഹനങ്ങള് കടത്തി വിട്ടു. അടിയന്തിര സാഹചര്യം പരിഗണിച്ച് നിയമലംഘനങ്ങളാകാം എന്ന സര്ക്കുലറിലെ ഒരു വ്യവസ്ഥയാണ് മന്ത്രിമാര്ക്കും പോലീസ് ഉന്നതര്ക്കും വേണ്ടി ഉപയോഗിക്കുന്നത്.
മന്ത്രിസഭായോഗത്തില് പങ്കെടുക്കാന് ഔദ്യോഗിക വസതിയില് നിന്നും തിരിക്കുന്ന പ്രമുഖ മന്ത്രിമാര്ക്ക് വേണ്ടിയാണ് ട്രാഫിക് ലൈറ്റുകള് ഓഫാക്കാറുള്ളത് . മന്ത്രിസഭാ യോഗം ഒരു അടിയന്തിര കാര്യമല്ലേ എന്ന് ചോദിക്കുന്നവരുണ്ടാകാം. സംസ്ഥാനത്തെ സീനിയര് മന്ത്രിമാര്ക്കെല്ലാം സാധാരണ പൈലറ്റും എസ്കോര്ട്ടും നല്കാറുണ്ട്. മന്ത്രിമാര് വസതിയില് നിന്നും തിരച്ചതായി സന്ദേശം ലഭിച്ചാലുടന് ട്രാഫിക് ലൈറ്റുകള് ഓഫാക്കും. പി പി മുഴക്കി മന്ത്രിമാര് ശരവേഗത്തില് പായും. ഇതില് പ്രധാനി സര്ക്കുലര് ഇറക്കിയ ഡിജിപിയുടെ തലവന് ആഭ്യന്തര മന്ത്രി രമേശ് ചെന്നിത്തല തന്നെയാണ്.
യഥാര്ത്ഥത്തില് സെന്കുമാര് ചെന്നിത്തലയെ സര്ക്കുലര് ഇറക്കി കുരുക്കുകയായിരുന്നു. ഇത്തരമൊരു സര്ക്കുലര് ഇറക്കുമ്പോള് ഡിജിപിക്കൊപ്പം നിന്നില്ലെങ്കില് തന്റെ ഇമേജ് മോശമാകുമോ എന്നായിരുന്നു രമേശിന്റെ ഭയം.
ഒരു മാസത്തിനുശേഷം എത്ര മന്ത്രി വാഹനങ്ങള്ക്ക് അമിതവേഗത്തിന് പിഴയിടും എന്നു ചോദിച്ചാല് സര്ക്കുലറില് പറഞ്ഞിരിക്കുന്ന കഥ മനസിലാകും. കേരളത്തിലെ സാധാരണക്കാര് 10 ന് ഒരു സ്ഥലത്തെത്തണമെങ്കില് എട്ടു മണിക്കെങ്കിലും വീട്ടില് നിന്നിറങ്ങും. ഇല്ലെങ്കില് നിശ്ചയിച്ച സ്ഥലത്ത് എത്താനാകില്ല. മന്ത്രിമാര്ക്കും ഇതേ നിയമങ്ങള് എന്തുകൊണ്ട് ബാധകമാക്കി കൂടാ എന്ന സെന്കുമാറിന്റെ ചോദ്യം തീര്ച്ചയായും ശരിയാണ്. എന്നാല് ഒരു ജനാധിപത്യരാജ്യത്ത് ഒരു ഉദ്യോഗസ്ഥന് വിചാരിച്ചാല് ഒരു ചുക്കും സംഭവിക്കില്ലെന്ന കാര്യം മനസിലാക്കേണ്ടിയിരുന്നു
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
