ലീഗിന്റെ പഴയ പഞ്ചായത്തംഗം വൈസ് ചാന്സലറാകുമോ? വടം വലികള് തുടങ്ങിക്കഴിഞ്ഞു..
ഓഗസ്റ്റ് 11 ന് സ്ഥാനം ഒഴിയുന്ന കാലിക്കറ്റ് സര്വകലാശാല വൈസ് ചാന്സലര് സ്ഥാനത്തിന് മുസ്ലീം ലീഗില് ചരടുവലി മുറുകവേ ലീഗിന്റെ നോമിനിയായ ഡോ. ഷീന ഷുക്കൂറിനെ വിസിയാക്കാനുള്ള സാധ്യത മങ്ങുന്നു. ഷീനയുടെ ബിരുദവുമായി ബന്ധപ്പെട്ട് ഗവര്ണര്ക്ക് മുമ്പിലുള്ള ഒരു പരാതിയാണ് എം ജി സര്വകലാശാല പ്രോ വൈസ് ചാന്സലറായ ഷീനയുടെ സാധ്യതകള് മന്ദീഭവിച്ചിരിക്കുന്നത്. അതിനിടെ ഒരവസരം കൂടി നല്കണമെന്ന് ആവശ്യപ്പെട്ട് ഇപ്പോഴത്തെ വൈസ് ചാന്സലര് അബ്ദുസലാം രംഗത്തുണ്ട്.
ഷീന ഷുക്കൂറിന് വേണ്ടി രംഗത്തുള്ളത് യൂത്ത് ലീഗാണ്. അതേസമയം ലീഗിന്റെ പ്രതിനിധിയായി ഹയര് എഡ്യൂക്കേഷന് കൗണ്സിലിലുള്ള പി.അന്വറും ലീഗിന്റെ ഉന്നത നേതാക്കള് വഴി കാലിക്കറ്റ് വിസി സ്ഥാനത്തിന് ചരടുമുറുക്കുകയാണ്. കെ.പിഎ മജീദ് അന്വറിനുവേണ്ടി രംഗത്തുണ്ട്.
കണ്ണൂര് സര്വകലാശാല പ്രോവൈസ്ചാന്സലറെയും കുസാറ്റ് വിസിയെയും നിയമിച്ചത് ഗവര്ണര് നേരിട്ടാണ്. എം ജി സര്വകലാശാലയുടെ വിദൂര വിദ്യാഭ്യാസ കേന്ദ്രങ്ങള് പൂട്ടിയതും ഗവര്ണറാണ്. ഗവര്ണര്ക്ക് സര്ക്കാര് സമര്പ്പിക്കുന്ന ലിസ്റ്റ് കാണുന്നതു തന്നെ ഭയമാണ്. യോഗ്യതയില്ലാത്തവരെ നിയമിക്കാനാണ് സര്ക്കാരിന് താത്പര്യമെന്ന വിശ്വാസമാണ് ഗവര്ണര്ക്കുളളതും.
ഷീന ഷുക്കൂറിനും അന്വറിനും വിസിയാവാന് യുജിസി നിര്ണയിക്കുന്ന യോഗ്യതയില്ല. ഇതാണ് ഗവര്ണറെ സഹായിക്കുന്നത്. വൈസ് ചാന്സലറെ നിയമിക്കുന്ന സര്ച്ച് കമ്പനിയില് യുജിസി പ്രതിനിധിയും ഗവര്ണറുടെ പ്രതിനിധിയും സര്വകലാശാല പ്രതിനിധിയും അടങ്ങിയിട്ടുണ്ട്. ഇതില് യുജിസി പ്രതിനിധിയും ഗവര്ണറും ഒരേ നിലപാട് സ്വീകരിക്കും. അങ്ങനെ വരുമ്പോള് സര്ക്കാര് പ്രതിനിധി പുറത്താകും.
കണ്ണൂര് സര്വകലാശാലയിലെ നിയമവകുപ്പിന് കീഴിലുള്ള സ്കൂള് ഓഫ് ലോയില് പ്രൊഫസറായിരുന്ന് ഷീന ഷുക്കൂറിന്റെ ഉയര്ച്ച പെട്ടെന്നായിരുന്നു. ഇ അഹമ്മദിന്റെ വിശ്വസ്തയാണ് ഇവര്. നേരത്തെ ലീഗിന്റെ പഞ്ചായത്ത് അംഗമായിരുന്നു. ഭര്ത്താവ് അഡ്വ. ഷുക്കൂര് ലീഗ് നേതാവും കാഞ്ഞങ്ങാട്ട് അഭിഭാഷകനുമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
