കേരളത്തിനൊരു സ്മാര്‍ട്ട് സിറ്റി എന്ന കേന്ദ്ര സര്‍ക്കാര്‍ പ്രഖ്യാപനം കോട്ടയത്തിനു ലഭിച്ചേക്കും. പ്രധാന മന്ത്രിയേയും കേന്ദ്ര നഗര വികസന മന്ത്രി വെങ്കയ്യനായിഡുവിനെയും ജോസ് കെ മാണി എം പി സമീപിച്ചു കഴിഞ്ഞു. വിശദമായ പദ്ധതി രേഖയും സമര്‍പ്പിച്ചു.
കേരളത്തിന് കേന്ദ്ര സര്‍ക്കാര്‍ നല്‍കിയ 18 അമൃതനഗരം പദ്ധതികള്‍ ജോസ് കെ മാണിയുടെ ശ്രമഫലമായി കോട്ടയത്തെയും ഉള്‍പ്പെടുത്തിയിരുന്നു. കേന്ദ്ര സര്‍ക്കാര്‍ തയ്യാറാക്കിയ ആദ്യ ലിസ്റ്റില്‍ കോട്ടയം ഉണ്ടായിരുന്നില്ല.
കോട്ടയം സ്മാര്‍ട്ട് സിറ്റിയാവുകയാണെങ്കില്‍ ഒരു വര്‍ഷം 100 കോടിയുടെ സഹായം ലഭിക്കും. 5 വര്‍ഷം കൊണ്ട് 500 കോടിയാവും ലഭിക്കുക. 100 നഗരങ്ങള്‍ക്കാണ് കേന്ദ്ര സര്‍ക്കാര്‍ സ്മാര്‍ട്ട് സിറ്റി പ്ലാന്‍ തയ്യാറാക്കുന്നത്. കേരളത്തില്‍ നിന്നും ജോസ് കെ മാണി മാത്രമാണ് സ്മാര്‍ട്ട് സിറ്റി ആവശ്യവുമായി കേന്ദ്ര സര്‍ക്കാരിന് മുന്നിലെത്തിയിരിക്കുന്നത്.
കഴിഞ്ഞ യുപിഎ സര്‍ക്കാരിന്റെ കാലത്ത് ജോസ് കെ മാണി എം പി കോട്ടയത്തിന് ക്രീയാത്മക നേട്ടങ്ങള്‍ സമ്മാനിച്ചിരുന്നു. സയന്‍സ് സിറ്റി. ഐ ഐ ഐറ്റി, ഐഐഎംസി, ഐഎച്ച് എം തുടങ്ങിയ പദ്ധതികള്‍ കഴിഞ്ഞ സര്‍ക്കാരിന്റെ കാലത്ത് കോട്ടയത്ത് ആരംഭിച്ചത് ജോസ് കെ മാണിയാണ്.
ഇന്ത്യയില്‍ 13 സ്മാര്‍ട്ട് സിറ്റികളായിരിക്കും അനുവദിക്കുക. തമിഴ്‌നാടിന് 12 ഉം മഹാരാഷ്ട്രയ്ക്ക് 10 ഉം സ്മാര്‍ട്ട് സിറ്റികള്‍ ലഭിക്കും. നഗര വികസനത്തിനുള്ള മൂന്നു പദ്ധതികളാണ് കേന്ദ്ര സര്‍ക്കാര്‍ പ്രഖ്യാപിക്കുന്നത്.
കോട്ടയത്തിനൊപ്പം സ്മാര്‍ട്ട് സിറ്റി പദ്ധതിക്ക് വേണ്ടി മത്സരിക്കാന്‍ കൊച്ചിയും രംഗത്തുണ്ടാകും. എന്നാല്‍ കൊച്ചി ഇപ്പോള്‍ തന്നെ ആവശ്യത്തിനു വളര്‍ന്നു കഴിഞ്ഞു. മുന്‍ കേന്ദ്ര മന്ത്രി കെ വി തോമസാണ് കൊച്ചി ലോക്‌സഭയില്‍ പ്രതിനിധീകരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha