സഭയിലെ നാണക്കേട് തീര്‍ക്കാന്‍ രംഗത്ത് ഉമ്മന്‍ചാണ്ടിയും കോടിയേരിയും
മന്ത്രി കെ എം മാണി ബജറ്റ് അവതരിപ്പിച്ച വേളയില്‍ നിയമസഭയിലുണ്ടായ ബഹളങ്ങള്‍ക്കെതിരായ പോലീസ് നടപടികള്‍ അവസാനിപ്പിക്കാനുള്ള സ്പീക്കറുടെ തീരുമാനത്തിനു പിന്നില്‍ ഉമ്മന്‍ചാണ്ടിയും കോടിയേരി ബാലകൃഷ്ണനും. വിഷയം കൂടുതല്‍ വഷളാക്കേണ്ടെന്നാണ് സര്‍ക്കാര്‍ തീരുമാനം. ഇക്കാര്യം കക്ഷിനേതാക്കളുടെ യോഗത്തില്‍ തീരുമാനിക്കും. അതേ സമയം സ്പീക്കറുടെ ഡയസ് തകര്‍ത്തും ബജറ്റ് അവതരണത്തിനെത്തിയ ധനമന്ത്രിയെ പരിഹാസ്യനാക്കിയും പ്രതിപക്ഷം നടത്തിയ നാടകം നാളെ ആര്‍ക്കും അനുകരിക്കാം. ജനാധിപത്യ വ്യവസ്ഥകളോട് ജനാധിപത്യത്തിന്റെ ശ്രീകോവിലില്‍ പോലും നീതി പുലര്‍ത്തുന്നുണ്ടോ എന്ന സംശയം ശരാശരി മലയാളിക്കുണ്ടാകുന്നു. എംഎല്‍ എമാരും, വി.ശിവന്‍കുട്ടിയും ജയരാജനുമൊക്കെ നടത്തിയ വഷളത്തരങ്ങള്‍ ഇനി ചരിത്രത്തിന്റെ ഭാഗം. .
അതേസമയം സ്പീക്കറുടെ നിലപാട് ചിലപ്പോള്‍ ഹൈക്കോടതിയില്‍ പൊള്ളിയേക്കും. സംഭവത്തെ കുറിച്ച് ഹൈക്കോടതി സര്‍ക്കാരിന്റെ വിശദീകരണം തേടിയിട്ടുണ്ട്. നിയമനിര്‍മ്മാണ കാര്യങ്ങളില്‍ ഹൈക്കോടതിക്ക് ഇടപെടാന്‍ പരിമിതികളുണ്ട്. എന്നാല്‍ നിയമസഭയ്ക്കുള്ളില്‍ നടന്ന ക്രിമിനല്‍ കേസില്‍ ഹൈക്കോടതിക്ക് ഇടപെടാവുന്നതേയുള്ളൂ. കളങ്കിതരായ നിയമസഭാംഗങ്ങളുടെ ശമ്പളത്തില്‍ നിന്നും നിയമസഭയിലുണ്ടായ നാശനഷ്ടങ്ങള്‍ ഹൈക്കോടതി ഈടാക്കണമെന്ന പ്രാര്‍ത്ഥനയാണ് തിരുവനന്തപുരത്ത് ജീവിക്കുന്ന ഓരോരുത്തര്‍ക്കുമുള്ളത്. ജി. കാര്‍ത്തികേയനോ വക്കം പുരുഷോത്തമനോ സ്പീക്കറായിരുന്നെങ്കില്‍ ഇത് സംഭവിക്കുമായിരുന്നില്ല. സഭയിലെ നാശനഷ്ടം സംഭവിച്ച് പോലീസെടുത്ത കേസ് സര്‍ക്കാര്‍ പിന്‍വലിച്ചാലും ഹൈക്കോടതി വെറുതെ വിട്ടെന്ന് വരില്ല.
പൊതു മുതല്‍ ആരു നശിപ്പിച്ചാലും കുറ്റമാണ്. ക്രിമിനല്‍ നടപടി ചട്ടങ്ങള്‍ക്കു വി ശിവന്‍കുട്ടിയെയും ഗോപാലകൃഷ്ണനെയും അറിയില്ല. ശിവന്‍കുട്ടിയെ സര്‍ക്കാര്‍ കേസില്‍ നിന്നും ഒഴിവാക്കിയാല്‍ സമാന സംഭവങ്ങളില്‍ പൊതു മുതല്‍ നശിപ്പിച്ചവരെയൊക്കെ കേസില്‍ നിന്നും ഒഴിവാക്കേണ്ടി വരും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
