നാലു നേതാക്കള്‍ അരുവിക്കരയില്‍ ചത്തു മലച്ചു
അരുവിക്കര ഉപതെരഞ്ഞെടുപ്പ് ഫലം നാലു നേതാക്കളെ കേരള രാഷ്ട്രീയത്തില്‍ നിന്നും നിഷ്‌കാസിതരാക്കും. വിഎസ് അച്യുതാനന്ദന്‍, കോടിയേരി ബാലകൃഷ്ണന്‍, പി.സി. ജോര്‍ജ്ജ്, രമേശ് ചെന്നിത്തല എന്നിവരാണ് അവര്‍. പി.സി. ജോര്‍ജിന്റെ കാര്യത്തില്‍ ഇപ്പോള്‍ തന്നെ തീരുമാനമായി കഴിഞ്ഞു. അദ്ദേഹത്തിന്റെ സ്ഥാനാര്‍ത്ഥി കരസ്ഥമാക്കിയത് നോട്ടയെക്കാള്‍ താഴെ വോട്ടാണ്. 22,000 വോട്ട് ലഭിക്കുമെന്നായിരുന്നു അദ്ദേഹത്തിന്റെ പ്രഖ്യാപനം. അരുവിക്കരയില്‍ സ്ഥാനാര്‍ത്ഥിയെ നിര്‍ത്തിയതിന്റെ പേരില്‍ ജോര്‍ജിനെ യുഡിഎഫില്‍ നിന്നും പുറത്താക്കാനാണ് സാധ്യത.
കോടിയേരി ബാലകൃഷ്ണന്‍ പാര്‍ട്ടി സംസ്ഥാന സെക്രട്ടറിയായി ചുമതലയേറ്റ ശേഷം നടന്ന ആദ്യ തെരഞ്ഞെടുപ്പായിരുന്നു അരുവിക്കരയിലേത്. വന്‍ ഭൂരിപക്ഷത്തില്‍ സിപിഎം പടക്കുതിര അരുവിക്കരയില്‍ ചത്തുമലര്‍ന്നപ്പോള്‍ കോടിയേരിയുടെ കാലവും എഴുതപ്പെട്ടു.
അച്യുതാനന്ദന്റെ അങ്കമാണ് നമ്മള്‍ അരുവിക്കരയില്‍ കണ്ടത്. ഒരു നാലാംകിട അഭിസാരികയെയും വിദേശ മദ്യത്തില്‍ നാടന്‍ ചാരായം ഒഴിച്ച് വില്‍ക്കുന്ന ഒരു നെറികെട്ട ചാരായക്കാരനെയും കൂട്ടുപിടിച്ച് സിപിഎം നടത്തിയ തെരഞ്ഞെടുപ്പ് പ്രചരണം അവരുടെ പാര്‍ട്ടിക്കാര്‍ പോലും തള്ളികളഞ്ഞതിന്റെ തെളിവാണ് അരുവിക്കരയില്‍ കണ്ടത്.
ശബരിക്ക് നല്‍കുന്ന ഓരോ വോട്ടും മാണിക്ക് നല്‍കുന്നതാണെന്ന കോടിയേരി ബാലകൃഷ്ണന്റെ നാക്ക് പൊന്നായി. അരുവിക്കരയില്‍ ശബരി തോറ്റിരുന്നെങ്കില്‍ അത് മാണിയുടെ തലയില്‍ ഇരുന്നേനെ.
രമേശ് ചെന്നിത്തലയാണ് ഗോള്‍ പോസ്റ്റില്‍ വീരചരമമടഞ്ഞ മറ്റൊരു മന്നന്‍. താന്‍ ടെന്‍ഷനുള്ള ഗുളിക കഴിക്കുകയാണെന്ന് ഫേസ്ബുക്ക് പോസ്റ്റിംഗ് നടത്തി മണിക്കൂറുകള്‍ക്കുള്ളിലാണ് രമേശ് ചെന്നിത്തല വീരചരമമടഞ്ഞത്. ഉമ്മന്‍ചാണ്ടിയുടെ ശോഭയ്ക്ക് മുമ്പില്‍ രമേശിനെന്നല്ല ആര്‍ക്കും പിടിച്ചു നില്‍ക്കാന്‍ കഴിയില്ലെന്ന് അരുവിക്കര തെളിയിച്ചു.
അരുവിക്കര ബിജെപിയെ കേരളത്തിന്റെ വോട്ട് ബാങ്കിന്റെ നെറുകയിലെത്തിയത് വഴി തളര്‍ന്ന് വീണത് സിപിഎമ്മാണ്. ഓരോ , സിപിഎമ്മുകാരന്റെയും കക്ഷത്തിരിക്കുന്ന മസില്‍ ശസ്ത്രക്രിയ ചെയ്ത് നീക്കിയില്ലെങ്കില്‍ അവര്‍ക്ക് ബംഗാളിന്റെ ഗതി വരും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
