സഭയില് മൊത്തം മക്കള് തരംഗം
വരുന്ന നിയമസഭാ തെരഞ്ഞെടുപ്പില് മത്സരിക്കാന് കോണ്ഗ്രസിലെ ദേശീയ നേതാക്കളുടെ മക്കള് അരയും തലയും മുറുക്കി രംഗത്തിറങ്ങുന്നു. ജി. കാര്ത്തികേയന്റെ മകന് ശബരീനാഥും പിന്നാലെയാണ് നേതാക്കളുടെ മക്കള് രാഷ്ട്രീയത്തിലെത്തുന്നത്. ഇവരില് പലരും വരുന്ന നിയമസഭാ തെരഞ്ഞെടുപ്പില് മത്സരിക്കാനാണ് സാധ്യത.
ഉമ്മന്ചാണ്ടിയുടെ മകന് ചാണ്ടി ഉമ്മന്, എ.കെ ആന്റണിയുടെ മകന് അനില് ആന്റണി, എം വി രാഘവന്റെ മകന് എം വി നികേഷ്കുമാര്, വയലാര് രവിയുടെ മകള് ലക്ഷ്മി, പി.സി. ജോര്ജിന്റെ മകന് ഷോണ് ജോര്ജ്, ആര്യാടന് മുഹമ്മദിന്റെ മകന് ആര്യാടന് ഷൗക്കത്ത് കോടിയേരി ബാലകൃഷ്ണന്റെ മകന് ബിനീഷ് കോടിയേരി എന്നിവരാണ് അടുത്ത നിയമസഭാ തെരഞ്ഞെടുപ്പില് മത്സരരംഗത്തെത്തുന്നത്.
അനില് ആന്റണി സിനിമാരംഗത്താണ് പ്രവര്ത്തിക്കുന്നതെങ്കിലും കോളേജ് വിദ്യാഭ്യാസ കാലത്ത് കെ എസ് യുവിലും എന് എസ് യുവിലും സജീവമായിരുന്നു. ചാണ്ടി ഉമ്മന് ഡല്ഹിയിലെ വിദ്യാഭ്യാസ കാലത്ത് എന് എസ് യു നേതാവായിരുന്നു. ചാണ്ടി ഉമ്മന്റെ തട്ടകം ഇപ്പോള് കേരളമാണ്. എം വി രാഘവന്റെ മകന് എം വി നികേഷ്കുമാര് സിപിഎം സ്ഥാനാര്ത്ഥിയായാണ് രംഗത്തെത്തുന്നത്. ആര്യാടന് മുഹമ്മദ് അടുത്ത തെരഞ്ഞെടുപ്പില് നിലമ്പൂരില് നിന്നും മത്സരിക്കാനിടയില്ല. പകരം ആര്യാടന് ഷൗക്കത്ത് മത്സരിക്കും. അദ്ദേഹം നഗരസഭാ ചെയര്മാനാണ് ഇപ്പോള്. പി. ജയരാജന്റെയും പികെ ശ്രീമതിയുടെയും മക്കള് രാഷ്ട്രീയത്തിലെത്താന് ഊഴം കാത്ത് നില്ക്കുകയാണ്.
കെ മുരളീധരന്, ജോസ് കെ മാണി, ഹൈബി ഈഡന്, എം കെ മുനീര്, അനൂപ് ജേക്കബ്, പി.സി. തോമസ്, ഫ്രാന്സിസി ജോര്ജ്, പി.കെ ബഷീര്, ജമീല പ്രകാശം, ഷിബു ബേബി ജോണ്, ബിനോയ് വിശ്വം, കെപി മോഹനന്, കെ പി രാജേന്ദ്രന്, ശബരീനാഥന് തുടങ്ങിയ മക്കളാണ് കേരള രാഷ്ട്രീയത്തില് സജീവമായിട്ടുള്ളത്. മക്കളാണെന്നു പറഞ്ഞ് ഇവരെ തള്ളി കളയേണ്ടതില്ല എല്ലാവരും കഴിവുറ്റവര് തന്നെയാണ്.
https://www.facebook.com/Malayalivartha
