ജലത്തില്‍ക്കൂടി പകരുന്ന രോഗങ്ങളേയാണ്‌ പൊതുവേ ജലജന്യ രോഗങ്ങള്‍ എന്നു പറയുന്നത്‌. പോളിയോ, മിസല്‍സ്‌, വിരശല്യം, മഞ്ഞപ്പിത്തം, എലിപ്പനി, വയറിളക്ക രോഗങ്ങളായ കോളറ, ഗാസ്‌ട്രോ എന്ററൈറ്റിസ്‌, ടൈഫോയിഡ്‌, അമീബിയാസിസ്‌ തുടങ്ങിയവ നമുക്കിടയില്‍ സാധാരണ കണ്ടുവരുന്ന ജലജന്യ രോഗങ്ങളാണ്‌.
ജലജന്യ രോഗങ്ങളില്‍ നിന്നും രക്ഷ നേടാനായി ചില മുന്‍കരുതലുകള്‍ എടുക്കാവുന്നതാണ്‌.
1, ശുദ്ധജലം മാത്രമേ എപ്പോഴും കുടിക്കാന്‍ പാടുള്ളൂ.
2, വിസര്‍ജ്യ വസ്‌തുക്കള്‍ കുടിവെള്ളത്തിലെത്താതിരിക്കാന്‍ ശ്രദ്ധിക്കണം.
3, വ്യക്തി ശുചിത്വവും, പരിസര ശുചുത്വവും പാലിക്കണം.
4, പ്രതിരോധ കുത്തിവയ്‌പ്പുകള്‍ വ്യാപകമാക്കണം.