സംസ്ഥാനത്തെ മെഡിക്കല് കോളേജുകളില് പക്ഷാഘാതം (സ്ട്രോക്ക്) ബാധിച്ചവര്ക്ക് അടിയന്തിര ചികിത്സാ സൗകര്യമൊരുക്കുന്ന കോമ്പ്രിഹെന്സീവ് സ്ട്രോക്ക് സെന്ററുകള് ആരംഭിക്കുന്നു
പക്ഷാഘാതം (സ്ട്രോക്ക്) ബാധിച്ചവര്ക്ക് അടിയന്തിര ചികിത്സാ സൗകര്യമൊരുക്കുന്ന കോമ്പ്രിഹെന്സീവ് സ്ട്രോക്ക് സെന്ററുകള് സംസ്ഥാനത്തെ മെഡിക്കല് കോളേജുകളില് ആരംഭിക്കുന്നു. ഇതിന്റെ ആദ്യഘട്ടമായി തിരുവനന്തപുരം മെഡിക്കല് കോളേജിനും കോഴിക്കോട് മെഡിക്കല് കോളേജിനും 5 കോടി രൂപയുടെ വീതം ഭരണാനുമതി നല്കി. കോഴിക്കോട് മെഡിക്കല് കോളേജിലെ സ്ട്രോക്ക് യൂണിറ്റ് നാളെ ഉദ്ഘാടനം ചെയ്യും. ഇത് വിപുലീകരിച്ചാണ് സമഗ്ര സ്ട്രോക്ക് സെന്ററാക്കുന്നത്. തിരുവനന്തപുരം മെഡിക്കല് കോളേജിലെ നിലവിലുള്ള സ്ട്രോക്ക് യൂണിറ്റ് വിപുലീകരിച്ച് സമഗ്ര സ്ട്രോക്ക് സെന്ററാക്കും. സ്ട്രോക്ക് കാത്ത് ലാബ് ഉള്പ്പെടെ ചികിത്സയ്ക്കാവശ്യമായ നൂതന സൗകര്യങ്ങളാണ് സെന്ററില് ഒരുക്കുന്നത്.
രക്തം കട്ടപിടിച്ച് തലച്ചോറിലേക്കുള്ള രക്തക്കുഴല് അടയുകയോ പൊട്ടുകയോ ചെയ്യുമ്പോഴാണ് സ്ട്രോക്കുണ്ടാകുന്നത്. ലോകത്ത് 80 ദശലക്ഷം ജനങ്ങള്ക്ക് സ്ട്രോക്ക് പിടിപെട്ടിട്ടുണ്ട്.
സ്ട്രോക്ക് ബാധിച്ചാല് ആദ്യത്തെ മണിക്കൂറുകള് വളരെ നിര്ണായകമാണ്. അതിനാല് മറ്റ് ആശുപത്രികളില് പോയി സമയം കളയാതെ സ്ട്രോക്ക് സെന്ററുകളില് തന്നെ പോകുവാന് ശ്രമിക്കണം. 24 മണിക്കൂറും പ്രവര്ത്തിക്കുന്ന സി.ടി. സ്കാന്, മെഡിക്കല് ന്യൂറോ, ന്യൂറോ സര്ജറി, ന്യൂറോ ഐ.സി.യു. എന്നീ സൗകര്യങ്ങളുള്ളവയാണ് സ്ട്രോക്ക് സെന്ററുകള്.
24 മണിക്കൂറും പ്രവര്ത്തിക്കുന്ന സുസജ്ജമായ മെഡിക്കല് സംഘമാണ് ന്യൂറോളജി വിഭാഗത്തിന് കീഴിലുള്ള സ്ട്രോക്ക് സെന്ററിലുണ്ടാവുക. തിരുവനന്തപുരം മെഡിക്കല് കോളേജിലെ സ്ട്രോക്ക് സെന്റര് ഹൈല്പ് ലൈന് : 9946332963.
" f
https://www.facebook.com/Malayalivartha