'ആശ'യില് ഉര്വശിയുടേയും ജോജുവിന്റേയും വേറിട്ടൊരു ചിത്രം
ഉര്വശിയും ജോജു ജോര്ജ്ജും ആദ്യമായി ഒന്നിച്ചഭിനയിക്കുന്ന 'ആശ'യുടെ റിലീസ് അനൗണ്സ്മെന്റ് പോസ്റ്റര് എത്തി. ഉര്വശിയുടേയും ജോജുവിന്റേയും പാതി മുഖങ്ങളാണ് പോസ്റ്ററില് അവതരിപ്പിച്ചിരിക്കുന്നത്. സെപ്റ്റംബര് നാലിനാണ് സിനിമയുടെ വേള്ഡ് വൈഡ് റിലീസ്. പ്രേക്ഷകരില് കൗതുകമുണര്ത്തുന്നതാണ് ചിത്രത്തിന്റെ റിലീസ് പോസ്റ്റര്. ദുരൂഹതയും ആകാംക്ഷയും നിറയ്ക്കുന്ന വ്യത്യസ്തമായൊരു ഡിസൈനിലാണ് അണിയറപ്രവര്ത്തകര് പോസ്റ്റര് ഒരുക്കിയിരിക്കുന്നത്.
നായികയുടെ മുഖം പാതി മറയുമ്പോള് അതിനുള്ളില് നിന്നും നായകന്റെ പകുതി മുഖം വെളിപ്പെടുന്ന ദൃശ്യം പോസ്റ്ററിലെ പ്രധാന ആകര്ഷണമാണ്. ഇരു കഥാപാത്രങ്ങളും തമ്മിലുള്ള ആഴത്തിലുള്ള ബന്ധത്തെയോ അല്ലെങ്കില് കഥയിലെ പ്രധാന സസ്പെന്സിനെയോ ആണ് ഇത് സൂചിപ്പിക്കുന്നത്. ഐശ്വര്യ ലക്ഷ്മി, വിജയരാഘവന്, 'പണി' ഫെയിം രമേഷ് ഗിരിജ തുടങ്ങിയവരും ചിത്രത്തില് പ്രധാന വേഷങ്ങളിലുണ്ട്.
അഞ്ച് ഭാഷകളിലാണ് ചിത്രം പുറത്തിറങ്ങുന്നത്. അജിത് വിനായക ഫിലിംസ് അവതരിപ്പിക്കുന്ന ചിത്രം വിനായക അജിത് ആണ് നിര്മിക്കുന്നത്. പൊന്മാന്, ഗഗനചാരി, ബാന്ദ്ര, മദനോത്സവം, സര്ക്കീട്ട് തുടങ്ങിയ ശ്രദ്ധേയ സിനിമകള്ക്ക് ശേഷം അജിത് വിനായക ഫിലിംസിന്റേതായി എത്തുന്ന ചിത്രമാണ് 'ആശ'. സിനിമയുടെ ടൈറ്റില് ലുക്ക് പോസ്റ്ററും അടുത്തിടെ അണിയറപ്രവര്ത്തകര് പുറത്തിറക്കിയിരുന്നു. നടി ഉര്വശിയുടെ വേറിട്ട വേഷപ്പകര്ച്ചയുമായി 'ആശ'യുടെ ഫസ്റ്റ് ലുക്ക് അടുത്തിടെ പുറത്തുവിട്ടിരുന്നത് ഏറെ ശ്രദ്ധ നേടിയിരുന്നു.
ചിത്രം കഥയെഴുതി സംവിധാനം ചെയ്യുന്നത് നവാഗതനായ സഫര് സനലാണ്. ജോജു ജോര്ജ്ജും രമേഷ് ഗിരിജയും സഫര് സനലും ചേര്ന്നാണ് തിരക്കഥ, സംഭാഷണം ഒരുക്കുന്നത്. ഛായാഗ്രഹണം: മധു നീലകണ്ഠന്, എഡിറ്റര്: ഷാന് മുഹമ്മദ്, സംഗീതം: ഗോവിന്ദ് വസന്ത, സൗണ്ട് ഡിസൈന് ആന്ഡ് സിങ്ക് സൗണ്ട്: അജയന് അടാട്ട്, പ്രൊഡക്ഷന് ഡിസൈനര്: വിവേക് കളത്തില്, മേക്കപ്പ്: ഷമീര് ഷാം, കോസ്റ്റ്യൂം: സുജിത്ത് സി.എസ്, സ്റ്റണ്ട്: ദിനേഷ് സുബ്ബരായന്, പ്രൊഡക്ഷന് കണ്ട്രോളര്: ഷബീര് മാലവട്ടത്ത്, ചീഫ് അസോസിയേറ്റ്: രതീഷ് പിള്ള, അസ്സോസിയേറ്റ്സ്: ജിജോ ജോസ്, ഫെബിന് എം സണ്ണി, അസോ. ക്യാമറ : ബിനു, സൗണ്ട് മിക്സിങ്ങ്: തപസ് നായക്, ഡി ഐ: കളര് പ്ലാനറ്റ് സ്റ്റുഡിയോസ്, കളറിസ്റ്റ്: ശ്രീക് വാര്യര്, വി എഫ് എക്സ് : മെരാകി, സ്റ്റില്സ്: അനൂപ് ചാക്കോ, ഡിസൈന്സ്: യെല്ലോടൂത്ത്സ്, പിആര്ഒ: ആതിര ദില്ജിത്ത്.
https://www.facebook.com/Malayalivartha
