ദൈവത്തിന്റെ സ്വന്തം നാടായ കേരളം അതീവ അപകടകരമായ ഒരു കാലാവസ്ഥാ ചുഴിയിലേക്ക് നീങ്ങുകയാണോ? ദുരന്തങ്ങൾ ആവർത്തിക്കുമ്പോഴും നമ്മൾ നിസ്സംഗത തുടരുമ്പോൾ, അങ്ങ് ഇംഗ്ലണ്ടിലെ പ്രശസ്തമായ റീഡിങ് സർവ്വകലാശാലയിൽ നിന്ന് കേരളത്തിനായുള്ള ഒരു നിർണ്ണായക മുന്നറിയിപ്പ് പുറത്തുവന്നിരിക്കുകയാണ്.പ്രമുഖ കാലാവസ്ഥാ ശാസ്ത്രജ്ഞൻ ഡോ. അക്ഷയ് ദേവറസിന്റെ നേതൃത്വത്തിൽ നടത്തിയ 80 വർഷത്തെ പഠന റിപ്പോർട്ടാണ് ഇപ്പോൾ പുറത്തുവന്നിട്ടുള്ളത്. ഇന്ത്യയിൽ തന്നെ കേരളത്തിലാണ് ‘ഹ്യൂമിഡ് ഹീറ്റ്’ അഥവാ നീരാവി നിറഞ്ഞ മാരകമായ ചൂട് വായുവിന്റെ സാന്നിധ്യം ഏറ്റവും അധികം കാണപ്പെടുന്നത് എന്നാണ് ഇവരുടെ കണ്ടെത്തൽ.