യാത്രകൾ ചെയ്യാനും ഒരുപാട് സ്ഥലങ്ങൾ ആസ്വദിക്കാനും താല്പര്യമില്ലാത്തവരായി ആരായിരിക്കും ഉണ്ടാവുക. യാത്രകൾ കാറില്‍ ആണെങ്കില്‍, ചില കാര്യങ്ങളൊക്കെ ശ്രദ്ധിക്കുന്നത് നല്ലതാണ്.

പ്രത്യേകിച്ചു കാര്‍ യാത്രയ്ക്കിടെ കഴിക്കുന്നഭക്ഷണത്തെ കുറിച്ച്. യാത്രയ്ക്കിടെ പാട്ടു കേള്‍ക്കുന്നതിനൊപ്പം എന്തെങ്കിലുമൊക്കെ കൊറിക്കാന്‍ ഇഷ്ടപ്പെടുന്നവരുണ്ട്. എന്നാല്‍ കാര്‍ യാത്രയ്ക്കിടെ കഴിക്കുന്ന ചില കാര്യങ്ങളെങ്കിലും, അനാരോഗ്യകരമായ പ്രശ്നങ്ങളുണ്ടാക്കിയേക്കാം. അവ ഏതൊക്കെ ആണെന്ന് നോക്കാം.

യാത്രയ്ക്കിടെ സമൂസ, ഉള്ളിവട, ഉഴുന്ന് വട തുടങ്ങിയ എണ്ണയില്‍ വറുത്ത ഭക്ഷണം കഴിക്കരുത്. ഇവയുടെ ഉപയോഗം നമ്മുടെ ആരോഗ്യം മോശമാകാനുള്ള സാധ്യത വര്‍ദ്ധിപ്പിക്കുന്നു. ട്രെയിന്‍ യാത്രയ്ക്കിടെ, സമൂസ, കട്ട്ലറ്റ്, പഴംപൊരി, ഉഴുന്ന് വട എന്നിവയൊക്കെ ട്രെയിനുള്ളിലും സ്റ്റേഷന്‍ പ്ലാറ്റ്ഫോമുകളിലെ ഷോപ്പുകളിലും കാണപ്പെടാറുണ്ട്.

എന്നാല്‍ യാത്രയ്ക്കിടെ ഇത്തരം എണ്ണയില്‍ വറുത്ത ഭക്ഷണം കഴിക്കുന്നത്, ദഹനക്കേട് പോലെയുള്ള ആരോഗ്യപ്രശ്നങ്ങള്‍ക്ക് ഇടയാക്കും.

യാത്രയില്‍ നോണ്‍-വെജ് ഭക്ഷണം കഴിക്കുന്നത് കഴിവതും ഒഴിവാക്കാന്‍ ശ്രദ്ധിക്കുക, കാരണം ഇത് ധാരാളം എണ്ണയിലും സുഗന്ധവ്യഞ്ജനങ്ങളിലും ഉണ്ടാക്കുന്നവയാണ്. ഇതും ദഹനക്കേടിന് കാരണമാകും. യാത്രയ്ക്കിടെ, എളുപ്പം ദഹിക്കുന്ന, ലഘുവായ ഭക്ഷണം കഴിക്കുന്നതാണ് നല്ലത്.

അതുപോലെ തന്നെ ഫാസ്റ്റ് ഫുഡ് ഭക്ഷണങ്ങളായ, സാന്‍ഡ് വിച്ച്‌, ബര്‍ഗര്‍, പിസ, എന്നിവയൊക്കെ ഒഴിവാക്കുന്നതാണ് നല്ലത്. കൊഴുപ്പേറിയ ഭക്ഷണം കഴിച്ചുകൊണ്ടുള്ള യാത്ര ശരീരത്തിന് അത്രത്തോളം സുഖകരമായ അനുഭവമായിരിക്കില്ല നല്‍കുക. ദഹനപ്രശ്നങ്ങള്‍ രൂക്ഷമാകാനും, ചിലരിലെങ്കിലും ഛര്‍ദ്ദി ഉണ്ടാകാനും ഇത് കാരണമാകും.

യാത്രയ്ക്കിടെ ആരോഗ്യകരമായ ഭക്ഷണങ്ങളാണ് കഴിക്കേണ്ടത്. ബദാം, ഈന്തപ്പഴ, കടല വറുത്തത്, കപ്പലണ്ടി, പിസ്ത, ഉണക്കിയ കോണ്‍ഫ്ലക്സ് എന്നിവ ഉപയോഗിക്കുന്നതാണ്. വെളിച്ചെണ്ണയില്‍ വറുത്ത ഭക്ഷണത്തിന് പകരം ഇളം കടുക് എണ്ണയിലോ ഒലിവ് ഓയിലിലോ വറുത്ത് പായ്ക്ക് ചെയ്യുന്ന ഭക്ഷണം കഴിക്കുന്നത് ആരോഗ്യപ്രശ്നങ്ങള്‍ ഉണ്ടാക്കില്ല. ഇവ കൂടാതെ, നിങ്ങള്‍ക്ക് ആപ്പിളും വാഴപ്പഴവും കഴിക്കാം.