20 വര്‍ഷത്തോളമായി ഫീമെയില്‍ കോണ്ടം വിപണയില്‍ ഇറങ്ങിയിട്ട്. എന്നാല്‍ വളരെ കുറച്ച് പേര്‍ മാത്രമേ ഇത് ഉപയോഗിക്കുന്നുളളു. ഭൂരിഭാഗം പേര്‍ക്കും ഇതേ കുറിച്ച് അറിയില്ല. സാധാരണ പുരുഷ കോണ്ടങ്ങളെക്കാള്‍ ഇഫക്ടീവ് ആണ് ഫീമെയില്‍ കോണ്ടം എന്നാണ് പൊതുവേ പറയുന്നത്. എന്താണ് ഫീമെയില്‍ കോണ്ടം?

ലൈംഗിക രോഗങ്ങളും ഗര്‍ഭധാരണവും തടയാന്‍ ഫീമെയില്‍ കോണ്ടവും വളരെ ഉപയോഗപ്രദമാണ്. ഇവ പുരുഷ കോണ്ടത്തെ പോലെ തന്നെ 95 ശതമാനം ഇഫക്ടീവ് ആണെന്നാണ് പറയുന്നത്. പക്ഷേ സ്ത്രീകളില്‍ ഇവയെ കുറിച്ച് പല സംശയങ്ങളുമുണ്ട്. ഫീമെയില്‍ കോണ്ടം എല്ലാം മെഡിക്കല്‍ സ്‌റ്റോറുകളിലും കിട്ടുമെന്നാണ് ആദ്യം അറിയേണ്ട കാര്യം.

വെല്‍വെറ്റ് ,കോണ്‍ഫിഡം, ക്യുപിഡ്, ഓര്‍മ്മല്ലെ തുടങ്ങിയ പേരുകളിലാണ് ഫീമെയില്‍ കോണ്ടം വിപണിയില്‍ ലഭിക്കുന്നത്. പുരുഷ കോണ്ടത്തെ പോലെ വനിതാ കോണ്ടം എളുപ്പത്തില്‍ ഊരിമാറ്റേണ്ടിവരുന്നില്ല എന്നാണ് ഇതിന്റെ പ്രത്യേകത. ചില പുരുഷന്‍മാര്‍ ഫീമെയില്‍ കോണ്ടത്തെ പ്രോത്സാഹിപ്പിക്കാറുണ്ട്.

ലൈംഗിക ബന്ധത്തില്‍ ഏര്‍പ്പെടുന്ന സമയത്ത് സാധാരണഗതിയില്‍ കോണ്ടം ധരിക്കുമ്പോഴുള്ള അസ്വസ്ഥതകള്‍ ഒഴിവായിക്കിട്ടുന്നു എന്നതാണ് ഇതിന്റെ പ്രത്യേകത. നിങ്ങള്‍ക്ക് ഇരുന്നുകൊണ്ടു കിടന്നുകൊണ്ടും ഏതു പൊസിഷനിലും ഫീമെയില്‍ കോണ്ടം ധരിക്കാം. പങ്കാളിയുടെ സഹായത്തോടെ ധരിക്കാവുന്നതുമാണ്.