നിങ്ങളുടെ പ്രഭാതങ്ങളെ ഉണര്‍ത്തുന്ന ഊഷ്മള സന്ദേശങ്ങള്‍
ചില സമയങ്ങളില്‍ ജീവിതത്തിന് എന്നും ഒരേ താളം മാത്രമേ ഉള്ളൂ എന്ന് നമുക്ക് തോന്നി തുടങ്ങും. രാവിലെ എഴുന്നേല്‍ക്കുക, പ്രഭാത കര്‍മങ്ങള്‍ നിവര്‍ത്തിക്കുക, ആഹാരം കഴിയ്ക്കുക, ജോലിയ്ക്ക് പോകാനുള്ള ഓട്ടപ്പാച്ചില്‍ നടത്തുക, ഓഫീസില്‍ എത്തിയാല്‍ തലയ്ക്ക് മേലോളം ഉയര്‍ന്ന ജോലി ഭാരത്തില്‍ മുഴുകുക അങ്ങനെയങ്ങനെ...എല്ലാ ദിവസവും തുടങ്ങുന്നതും ആ ദിവസം തീരുന്നത് വരെ ചെയ്യുന്ന എല്ലാ കാര്യങ്ങളും ഒരേ പോലെ തന്നെ! അത് പോരാഞ്ഞിട്ട് , ഡെഡ് ലൈനുകളുടെ ഭീഷണികളും . ഇതൊക്കെ കാരണം സ്വന്തം പങ്കാളിയുമൊത്ത് അല്‍പം സമയം ചെലവിടാന്‍ പോലും പറ്റാത്ത സാഹചര്യത്തില്‍ ഭ്രാന്ത് പിടിച്ചത് പോലെയാകും നമ്മുടെയൊക്കെ സ്ഥിതി.
അപ്പോള്‍ നമ്മുടെ മനസ്സിന് ഉല്ലാസം പകരാന്‍ നമുക്ക് എന്താണ് ചെയ്യാന്‍ പറ്റുക? മാനസികോല്ലാസത്തിനായി പ്രത്യേകമായി സമയം വേര്‍തിരിയ്ക്കാതെ ചെയ്യാനാവുന്ന എന്തെങ്കിലും ഉണ്ടായാലേ പറ്റൂ. അതാണ് സെക്സ്റ്റിങ് ! മറ്റു പല കാര്യങ്ങളെയും പോലെ നമുക്ക് പുതിയ ഉന്മേഷം പ്രദാനം ചെയ്യാന്‍ സഹായിക്കുന്ന ഒന്നാണ് സെക്സ്റ്റിങ്.
തന്റെ പങ്കാളിയെ കുറിച്ചുള്ള ഏറ്റവും പുതിയ ഭാവനകള്‍ എന്താണെന്ന് മധുരോദാരമായ വാക്കുകളില്‍ ഫോണിലേക്ക് പരസ്പരം സന്ദേശം അയയ്ക്കുക. അതിന് അനുയോജ്യമായ ഇമോജികളും കൊടുക്കുക. ഇങ്ങനെ പരസ്പരം ആനന്ദിപ്പിയ്ക്കുക. ങാ... പിന്നെ, ഞങ്ങള്‍ പറയുന്നതെല്ലാം കേട്ട് ചെയ്തിട്ട് ഒടുവില്‍ ഓഫീസ് 'കട്ട് ' ചെയ്ത് ഒന്നിച്ച് എവിടെയെങ്കിലും മുറിയെടുക്കേണ്ട സ്ഥിതിയിലായാല്‍, ഞങ്ങളെ കുറ്റം പറയരുത് കേട്ടോ?
നിങ്ങള്‍ ഇട്ടിരിയ്ക്കുന്നത് ഒരു പുതിയ ഡ്രസ്സ് ആണെങ്കില്‍ അത് എങ്ങനെ നിങ്ങളെ കൂടുതല്‍ മനോഹരിയാക്കി എന്ന് വിവരിച്ചു കൊടുക്കാം. ശരീര വടിവുകള്‍ എടുത്തു കാണിയ്ക്കുന്ന തരം വസ്ത്രമാണതെന്നും ആ രീതിയില്‍ നിങ്ങളെ കാണുമ്പോള്‍ നിങ്ങളുടെ പങ്കാളിയുടെ കൗതുകം വര്‍ധിയ്ക്കാറാണുള്ളതെന്ന് ഇപ്പോള്‍ ഓര്‍മ വരുന്നു എന്നും അറിയിയ്ക്കാം. അല്‍പം കൂടി ' സാഹസികത ' കാട്ടാന്‍ മനസ്സുണ്ടെങ്കില്‍ ആ വസ്ത്രം ധരിച്ചുകൊണ്ട് തന്നെ ശരീര ഭാഗങ്ങള്‍ ഒക്കെ അല്‍പം പുറത്തു കാണത്തക്ക വിധത്തിലുള്ള ഒരു ചിത്രം അയച്ചു കൊടുക്കാം...വേണ്ട..വേണ്ട ഞങ്ങള്‍ക്ക് നന്ദി പറയാന്‍ ധൃതി കൂട്ടേണ്ട, കാര്യങ്ങള്‍ ഒക്കെ ഒന്ന് ശരിയായിട്ട് പിന്നെ വന്ന് ഞങ്ങളോട് നന്ദി പറഞ്ഞാല്‍ മതി!
കുസൃതിത്തരം എത്രത്തോളം അധികം ആയാലും ഒരു ദോഷവുമില്ല . അത് കൊണ്ട് അല്‍പം 'ചീത്തത്തരം ' ടെക്സ്റ്റ് ചെയ്യണമെന്ന് തോന്നു ന്നുണ്ടെങ്കില്‍ ഒട്ടും അറയ്ക്കാതെ മടിയ്ക്കാതെ ചെയ്‌തോളൂ. പങ്കാളിയുടെ അംഗ പ്രത്യംഗ വിവരണം നടത്തി ശ്വാസം മുട്ടിയ്ക്കാന്‍ മടിയ്‌ക്കേണ്ടെന്നു സാരം!
https://www.facebook.com/Malayalivartha
