ഹജ്ജ് കരാറില് ഇന്ത്യ നാളെ ഒപ്പിടും, ഇന്ത്യയില് നിന്നുള്ള ഉന്നത ഉദ്യോഗസ്ഥരും കോണ്സുലേറ്റ് അധികൃതരും ചടങ്ങില് സംബന്ധിക്കും
അടുത്ത വര്ഷത്തെ ഹജ്ജ് കരാറില് ഇന്ത്യ വ്യാഴാഴ്ച ഒപ്പിടും. സൗദി ഹജ്ജ് മന്ത്രാലയ ഓഫീസില് നടക്കുന്ന ചടങ്ങില് ഇന്ത്യന് ഹജ്ജ് മിഷനു വേണ്ടി കേന്ദ്ര ന്യൂനപക്ഷ കാര്യമന്ത്രി മുഖ്താര് അബ്ബാസ് നഖ്വിയാണ് കരാറില് ഒപ്പുവെക്കുക. ഇന്ത്യയില് നിന്നുള്ള ഉന്നത ഉദ്യോഗസ്ഥരും കോണ്സുലേറ്റ് അധികൃതരും ചടങ്ങില് സംബന്ധിക്കും.
പുതിയ വ്യവസ്ഥയില് ഗ്രീന് കാറ്റഗറിക്ക് പകരം ഹറമൈന് അതിവേഗ ട്രെയിന് യാത്രാ സൗകര്യം ഇന്ത്യ ആവശ്യപ്പെടും എന്നാണ് വിവരം. ഹജ്ജിന് കെട്ടിടങ്ങള് ഏറ്റെടുക്കുന്നതുമായി ബന്ധപ്പെട്ട ജോലികള് ഹജ്ജ് മിഷന് നേരത്തെ ആരംഭിച്ചിട്ടുണ്ട്. ഹറമിനു ഒരു കിലോമീറ്റര് ചുറ്റളവിലുള്ള ഗ്രീന് കാറ്റഗറി ഈ വര്ഷം ഉണ്ടാകില്ല. ഇനിമുതല് എന്.സി.എന്.ടി അഥവാ നോന് കുക്കിങ്, നോണ് ട്രാന്സ്പോര്ട്ടേഷന് എന്ന പേരിലായിരിക്കും ഇതറിയപ്പെടുക. ഇതില് ഭക്ഷണം പാചകം ചെയ്യാനോ യാത്രാസൗകര്യങ്ങളോ ഉണ്ടാകില്ല. ഹറമിനു പരിസരത്തുള്ള കെട്ടിടങ്ങളില് പാചകം ചെയ്യല് അനുവദനീയമല്ലാത്തതിനാലാണിത്.
എന്നാല് അസീസിയ കാറ്റഗറി മാറ്റമില്ലാതെ തുടരും. കൂടുതല് തീര്ഥാടകര്ക്കും അസീസിയ കാറ്റഗറിയിലായിരിക്കും ഇടം ലഭിക്കുക. ഇതില് മുഴുസമയവും ഹറമിലേക്ക് യാത്രാസൗകര്യം ഉണ്ടാവും. ഇഷ്ടമുള്ള ഭക്ഷണം പാചകം ചെയ്യാനാവുന്നതും മികച്ച കെട്ടിടങ്ങളും ഈ കാറ്റഗറിയുടെ പ്രത്യേകതയാണ്. ഹജ്ജ് ക്വാട്ട ഉയര്ത്തണമെന്ന് നേരത്തെ ഇന്ത്യ ആവശ്യപ്പെട്ടിരുന്നു. എന്നാല് ഈ വര്ഷം ഹജ്ജ് അപേക്ഷകരുടെ എണ്ണം മുന്വര്ഷങ്ങളെ അപേക്ഷിച്ച് കുറവാണ്. ഇക്കാര്യവും കരാര് വേളയില് ചര്ച്ചയാവും.
https://www.facebook.com/Malayalivartha