കോവിഡ് രോഗികളെ എയർ ആംബുലൻസിൽ സുരക്ഷിതമായി ആശുപത്രികളിലെത്തിക്കാൻ 'ഐസൊലേഷൻ കാപ്‌സ്യൂൾ' സംവിധാനവുമായി അബൂദബി പൊലീസ് ഏവിയേഷൻ വകുപ്പ് രംഗത്ത് എത്തിയിരിക്കുകയാണ്. എന്നാൽ ഗൾഫ് മേഖലയിൽ തന്നെ ആദ്യമായാണ് ഈ സൗകര്യം നിലവിൽവരുന്നത് പോലും. മുന്പത്തേക്കാളും രോഗികളെ കിടത്തിക്കൊണ്ടുപോകാവുന്ന ഈ സൗകര്യം ഗൾഫ് മേഖലയിൽ ആദ്യത്തേതാണെന്നാണ് അബൂദബി പൊലീസ് ഏവിയേഷൻ ഡിപ്പാർട്മൻെറ് ഡയറക്ടർ ബ്രിഗേഡിയർ പൈലറ്റ് ഇബ്രാഹിം ഹസ്സൻ അൽ ബലൂഷി അറിയിച്ചത്.

അതോടൊപ്പം തന്നെ മഹാമാരിയെ പ്രതിരോധിക്കാൻ യു.എ.ഇ സ്വീകരിച്ച മുൻകരുതൽ നടപടികളുടെ ഭാഗമായാണ് ഈ രീതി നടപ്പാക്കുന്നതെന്ന് അബൂദബി പൊലീസ് ഏവിയേഷൻ മെഡിസിൻ സ്പെഷലിസ്റ്റ് മേജർ അലി സെയ്ഫ് അൽ ദാഹിരി പറയുകയുണ്ടായി. സാംക്രമിക രോഗമുള്ളവരെ എയർ ആംബുലൻസ് വഴി സുരക്ഷിതമായി ആശുപത്രിയിലെത്തിക്കുന്നതിനുള്ള ഐസൊലേഷൻ സംവിധാനമാണിത്. ഭാവിയിൽ എല്ലാത്തരം പകർച്ചവ്യാധികൾക്കും കാപ്‌സ്യൂൾ ഉപയോഗിക്കാമെന്നും അദ്ദേഹം പറഞ്ഞു.