പ്രവാസികൾ മടക്കയാത്രയ്ക്കായി ഒരുങ്ങിയതോടെ യു.എ.ഇയിലെ ഏത്​ വിമാനത്താവളങ്ങളിലേക്കും വരുന്നവർക്ക്​ ഐ.സി.എയ​ുടെയോ ജി.ഡി.ആർ.എഫ്​.എയുടെയോ അനുമതി ആവശ്യമില്ലെന്ന്​ കഴിഞ്ഞ ദിവസം അധികൃതർ അറിയിച്ചിരുന്നു. എന്നാൽ ഇത് നിഷേധിച്ചുകൊണ്ട് യുഎഇയിലെ പല എമിറേറ്റുകളും രംഗത്ത് എത്തിയിരിക്കുകയാണ്. ദുബൈ റസിഡൻറ്​ വിസയിൽ യാത്ര ചെയ്യുന്നവർ ജി.ഡി.ആർ.എഫ്​.എയുടെ അനുമതി വാങ്ങണമെന്ന്​ എയർ ഇന്ത്യ എക്​സ്​പ്രസ്​ അധികൃതർ അറിയിക്കുകയുണ്ടായി. എന്നാൽ, ദുബൈ അധികൃതർ ഇത്​ അസാധുവാക്കിയിട്ടുണ്ടെന്നും യാത്രക്കാർ അനുമതി തേടണമെന്നും എയർഇന്ത്യ എക്​സ്​പ്രസ്​ ട്വിറ്ററിലൂടെ അറിയിച്ചു. അതേസമയം, മറ്റ്​ എമിറേറ്റിലുള്ളവർക്ക്​ അനുമതിയുടെ ആവശ്യമില്ല എന്നതാണ്.

അതേസമയം സമാനമായി ഐ.സി.എ അനുമതിയില്ലാതെ യു.എ.ഇയിലേക്ക്​ എത്തുന്ന കാര്യത്തിൽ ആശയക്കുഴപ്പം നിലനിൽക്കെ തലസ്ഥാനത്തെ രാജ്യാന്തര വിമാനത്താവളത്തിൽ ഇത്തിഹാദ് വിമാനത്തിൽ എത്തിയ അഞ്ചു മലയാളികൾ പുറത്തിറങ്ങാനാവാതെ കുടുങ്ങിയ അവസ്ഥയും ഉണ്ടായി. ഫെഡറൽ അതോറിറ്റി ഫോർ ഐഡൻറിറ്റി ആൻഡ് സിറ്റിസൺഷിപ്പ് (ഐ.സി.എ) യാത്രാ പെർമിറ്റ് ഇല്ലെന്ന കാരണത്താൽ എമിഗ്രേഷൻ ലഭിക്കാത്തതാണ്​ ഇവർക്ക്​ വിനയായി മാറിയത്​. ഇവരിൽ നാല്​ പേരെ തിങ്കളാഴ്​ച ദുബൈയിൽ നിന്നും നാട്ടിലേക്കുള്ള വിമാനത്തിൽ തിരിച്ചയക്കുമെന്ന്​ അധികൃതർ അറിയിക്കുകയും ചെയ്തിട്ടുണ്ട്​. യാത്രാചെലവ്​ ഇത്തിഹാദ്​ തന്നെ വഹിക്കുന്നതാണ്. അനുമതി ശരിയായതിനെ തുടർന്ന്​ ഒരാ​ളെ അബൂദബിവിമാനത്താവളത്തിൽ നിന്ന്​ പുറത്തിറങ്ങാൻ അനുവദിക്കുകയും ചെയ്തു.