ഇനിമുതൽ സന്ദർശക വീസ ആശ്രിത വീസയിലേക്ക് മാറ്റാൻ അനുവദിക്കില്ലെന്ന് കുവൈറ്റ് ആഭ്യന്തര മന്ത്രാലയത്തിലെ താമസാനുമതി കാര്യ വിഭാഗം വ്യക്തമാക്കുകയുണ്ടായി. സന്ദർശക വീസയിൽ കുവൈത്തിൽ എത്തിയ ശേഷം കോവിഡ് പ്രതിസന്ധിയെ തുടർന്ന് തിരിച്ചുപോകാൻ കഴിയാതിരുന്നവർക്ക് ഈ മാസം 31വരെ വീസ കാലാവധി ദീർഘിപ്പിച്ചു നൽകുകയും ചെയ്തിട്ടുണ്ട്. എന്നാൽ, പ്രസ്തുത വീസ രാജ്യത്ത് സ്ഥിരമായി നിൽക്കത്തക്കവിധം ആശ്രിത വീസയിലേക്ക് ഉൾപ്പെടെ മാറ്റി നൽകില്ലെന്ന് മന്ത്രാലയം വ്യക്തമാക്കിയത് തൊഴിലന്വേഷകരായ പ്രവാസികൾക്ക് ഇരുട്ടടിയാകുകയാണ്.

ഒപ്പം പ്രത്യേക മാനുഷിക പരിഗണനയിൽ ആഭ്യന്തരമന്ത്രാലയം അനുവദിക്കുന്ന അനുമതി പ്രകാരം ഒറ്റപ്പെട്ട കേസുകളിൽ മാത്രം ഇളവ് നൽകുന്നതാണ്. അതേസമയം വീസക്കച്ചവടവുമായി ബന്ധപ്പെട്ട 400 കമ്പനികളുടെ ഫയൽ മാൻ‌പവർ അതോറിറ്റി പബ്ലിക് പ്രോസിക്യൂഷന് കൈമാറിയിരിക്കുകയാണ്. ഈ കമ്പനികൾ ആയിരിക്കണക്കിന് ആളുകളെയാണ് കുവൈത്തിൽ എത്തിച്ചത് തന്നെ. മനുഷ്യക്കടത്ത് ഉൾപ്പെടെ സംശയിക്കുന്നതാണ് ചില കമ്പനികളുടെ പ്രവർത്തനങ്ങളെന്നും അതോറിറ്റി വ്യക്തമാക്കിയതിനുപിന്നെലെയാണ് നടപടി രേഖപ്പെടുത്തിയത്.