യു.എ.ഇ.യ്ക്ക് ട്രംപിന്റെ വക കരുതൽ സമ്മാനം . എഫ്-35 ജെറ്റ് വിമാനം നൽകാനൊരുങ്ങുകയാണ് ട്രംപ് അത്യാധുനിക ജെറ്റ് വിമാനമാണ് എഫ്-35. കഴിഞ്ഞയാഴ്ച ഇസ്രയേലും യു.എ.ഇ.യുമായി സുപ്രധാന നയതന്ത്രക്കരാറുകളിൽ ഏർപ്പെട്ടതിന്റെ തുടർച്ചയായാണ് ട്രംപ് ആയുധ ഇടപാട് നടത്തിയിരിക്കുന്നത്.  എന്നാൽ, ട്രംപിന്റെ നീക്കത്തിൽ ഇസ്രയേൽ പ്രധാനമന്ത്രി ബഞ്ചമിൻ നെതന്യാഹു വിയോജിപ്പറിയിക്കുകയാണ്. യു.എ.ഇ.യുമായി ചരിത്രപരമായ കരാർ ഉണ്ടായിരുന്നിട്ടും വിൽപ്പനയെ താൻ എതിർക്കുന്നെന്ന് നെതന്യാഹു പറഞ്ഞു. ഇസ്രയേലുമായി സമാധാനക്കരാറുള്ള മറ്റ് അറബ് രാജ്യങ്ങൾക്കും എഫ് -35 വിമാനങ്ങളും മറ്റ് നൂതന ആയുധങ്ങളും വിൽക്കുന്നതിനെ പ്രധാനമന്ത്രി എതിർത്തതായി നെതന്യാഹുവിന്റെ ഓഫീസ് അറിയിച്ചതായി മാധ്യമങ്ങൾ റിപ്പോർട്ടുചെയ്തു.