യുഎഇയിലേക്ക് തിരിച്ചെത്താൻ പ്രവാസികൾ കാത്തിരിക്കുകയാണ്. കോറോണയെ ഏകദേശം അതിജീവിച്ചുകൊണ്ടിരിക്കുന്ന യുഎഇ ഇപ്പോൾ സാധാരണ നിലയിലേക്ക് എത്തിച്ചേർന്നിരിക്കുകയാണ്. ആയതിനാൽ തന്നെ പ്രാസികളിൽ തുടരുന്ന ആശങ്കകൾക്ക് വിരാമം. ജനറൽ ഡയറക്​ടറേറ്റ്​ ഓഫ്​ റെസിഡൻസി ആൻഡ്​ ഫോറിൻ അഫയേഴ്​സി​െൻറ (ജി.ഡി.ആർ.എഫ്​.എ) അനുമതിയുള്ള റെസിഡൻറ്​ വിസക്കാർക്ക്​ യു.എ.ഇയിലെ ഏത്​ വിമാനത്താവളങ്ങളിലേക്കും യാത്ര ചെയ്യാമെന്ന്​ അധികൃതർ അറിയിക്കുകയുണ്ടായി. നേരത്തേ ഇവർക്ക്​ ദുബൈ വിമാനത്താവളത്തിലേക്ക്​ മാത്രമേ യാത്ര അനുമതിയുണ്ടായിരുന്നുള്ളു എങ്കിലും, പുതിയ നിർദേശം വന്നതോടെ ദുബൈ വിസക്കാർക്ക്​ മറ്റ്​ എമിറേറ്റുകളിൽ വിമാനമിറങ്ങാൻ കഴിയുന്നതാണ്. അതോടൊപ്പം തന്നെ കോവിഡ്​ നെഗറ്റിവ്​ സർട്ടിഫിക്കറ്റും നിർബന്ധമാണെന്ന്​ അധികൃതർ അറിയിച്ചു.

അതേസമയം ദുബൈ മീഡിയ ഓഫിസ്​ സംഘടിപ്പിച്ച AskDXBOfficial എന്ന ഹാഷ്​ടാഗിലൂടെ സംശയം ചോദിച്ചവർക്ക്​ ജി.ഡി.ആർ.എഫ്​.എ ഡയറക്​ടർ ജനറൽ മുഹമ്മദ്​ അൽ മറിയാണ്​ ഇക്കാര്യം മറുപടിയായി അറിയിച്ചത് തന്നെ​. ഇതേതുടർന്ന് റെസിഡൻറ്​ വിസയുള്ള ആർക്കും യു.എ.ഇയിലേക്ക്​ വരാവുന്നതാണ്. ഇതിലൂടെ ആറു​ മാസത്തിൽ കൂടുതൽ രാജ്യത്തിന്​ പുറത്തുനിൽക്കുന്നവർക്കും മടങ്ങിയെത്താം. റെസിഡൻറ്​ വിസയുടെ കാലാവധി അവസാനിച്ചതിനാൽ നാട്ടിലേക്ക്​ മടങ്ങുന്നവർ വീണ്ടും തിരിച്ചെത്താൻ ആ​ഗ്രഹിക്കുന്നുണ്ടെങ്കിൽ വിസ പുതുക്കിയ ശേഷം പോകുന്നതാവും നല്ലത് എന്നാണ് അധികൃതർ വ്യക്തമാക്കുന്നത്​.

എന്നാൽ ഓൺലൈൻ വഴി ജി.ഡി.ആർ.എഫ്​.എയുടെ അനുമതി ലഭിക്കാൻ വൈകുന്നവർക്ക്​ ജി.ഡി.ആർ.എഫ്​.എയെ നേരിട്ട്​ സമീപിക്കാം. ഒരുമിച്ച്​ യാത്ര ചെയ്യ​ു​േമ്പാൾ കുടുംബത്തിലെ എല്ലാവരും അനുമതി നേടണമെന്ന്​ നിർബന്ധമില്ല. മാതാപിതാക്കളിൽ ഒരാൾക്ക്​ അനുമതി ലഭിച്ചാൽ കുട്ടികൾക്കും അനുമതി ലഭിച്ചതായി കണക്കാക്കുന്നതാണ്. യാത്രവിലക്കുകൾമൂലം നാട്ടിൽ പോകാൻ കഴിയാതെവന്നവർക്ക്​ പിഴ അടക്കേണ്ടിവരുന്നുവെന്ന്​ ചൂണ്ടിക്കാണിച്ചപ്പോൾ മാനുഷിക പരിഗണന നൽകിയാണ്​ യു.എ.ഇ ഇക്കാര്യം കൈകാര്യം ചെയ്യുന്നതെന്നും ആരെയും ബുദ്ധിമുട്ടിക്കുന്ന നിലപാട്​ എടുക്കില്ലെന്നും അദ്ദേഹം മറുപടി നൽകുകയുണ്ടായി.