പ്രവാസികളുടെ ഏറെ നാളായുള്ള ആശങ്കകൾക്ക് പരിഹാരം നൽകിക്കൊണ്ട് ഒരു സന്തോഷ വാർത്ത. സൗദിയിലേക്കുള്ള അന്താരാഷ്ട്ര വിമാന സര്‍വീസുകള്‍ എന്ന് തുടങ്ങുമെന്ന ചോദ്യത്തിന് വിശദീകരണവുമായി ആരോഗ്യ മന്ത്രാലയം രംഗത്ത് എത്തിയിരിക്കുകയാണ്. വിമാന സര്‍വീസുകള്‍ തുടങ്ങുന്നത് സംബന്ധിച്ച് വിദഗ്ദരടങ്ങുന്ന സംഘം നിലവിൽ പഠിച്ചിട്ടുണ്ട്. ഇതനുസരിച്ച് രാജ്യത്തെ ആരോഗ്യ പ്രോട്ടോകോള്‍ പാലിച്ച് വിമാന സര്‍വീസുകള്‍ തുടങ്ങുന്നതായിരിക്കും.

ഇതുവരെ സൌദിയില്‍ പുനരാരംഭിച്ച എല്ലാ സംവിധാനവും ശാസ്ത്രീയ പഠനത്തിന്റെ അടിസ്ഥാനത്തിലാണെന്ന് മന്ത്രാലയം സൂചിപ്പിച്ചു. ഇതു കൊണ്ടാണ് രാജ്യത്ത് കേസുകള്‍ ഗണ്യമായി കുറക്കാനായത് എന്നാണ് വ്യക്തമാക്കുന്നത്. ഇതേ മാതൃക പാലിച്ചാകും വിമാന സര്‍വീസുകളും തുടങ്ങുക എന്നതാണ്. അതോടൊപ്പം തന്നെ സ്വദേശികളുടേയും വിദേശികളുടേയും ആരോഗ്യം നിലനിര്‍‌ത്തുന്നതിലാണ് ഇപ്പോള്‍ മന്ത്രാലയത്തിന്റെ ഏക ശ്രദ്ധ. ഓരോ സംവിധാനവും കോവിഡിന് ശേഷം പുനരാരംഭിക്കുന്നത് ഇത് കണക്കിലെടുത്താണ് എന്നാണ് പറയപ്പെടുന്നത്. ഇത് പരിഗണിച്ചാവും വിമാന സര്‍വീസുകള്‍ തുടങ്ങുക എന്നാണ് മന്ത്രാലയം വ്യക്തമാക്കുന്നത്.

അതോടൊപ്പം തന്നെ ആദ്യ ഘട്ടത്തില്‍ വിദേശത്തുള്ള സൌദികളുടെ ബന്ധുക്കളെയും കുടുംബാംഗങ്ങളേയും തിരിച്ചു കൊണ്ടു വരാനായി മുന്നൊരുക്കത്തിന് സിവില്‍ ഏവിയേഷന്‍ മന്ത്രാലയം സര്‍ക്കുലര്‍ ഇറക്കിയിരുന്നു. ഇതിന് പിന്നാലെ കര മാര്‍ഗം കിഴക്കന്‍ പ്രവിശ്യ വഴി സൌദികള്‍ രാജ്യത്തേക്ക് പ്രവേശിച്ചു തുടങ്ങിയിരിക്കുകയാണ്. ബാക്കിയുള്ള കരാതിര്‍ത്തികളും ഉടന്‍ തുറക്കും. ഇതിന് പിന്നാലെ എയര്‍ ബബിള്‍ അടിസ്ഥാനത്തില്‍ വിമാന സര്‍വീസുകള്‍ തുടങ്ങിയേക്കുമെന്നാണ് സൂചന ലഭിക്കുന്നത്. തിയതിയും സമയവും ബന്ധപ്പെട്ട വകുപ്പ് പ്രഖ്യാപിക്കുമെന്ന് ആരോഗ്യ മന്ത്രാലയം അറിയിക്കുകയും ചെയ്തു.