ഇന്ത്യയിലെ 11 കേന്ദ്രങ്ങളിലേക്ക്​ ഖത്തർ എയർവേയ്​സ്​ പ്രത്യേക സർവീസുകൾ ഒരുങ്ങുകയാണ്. ഒക്​ടോബർ 24വരെയുള്ള കാലയളവിലാണ് സജ്ജമാക്കിയിട്ടുള്ളത്​. കൊച്ചി, കോഴിക്കോട്​, തിരുവനന്തപുരം, അഹ്​മദാബാദ്​, അമൃത്​സർ, ബംഗളൂരു, ചെന്നൈ, ഡൽഹി, ഹൈദരാബാദ്​, കൊൽക്കത്ത, മുംബൈ എന്നിവിടങ്ങളിലക്കാണ്​ സർവീസുകൾ.

അതേസമയം ഉന്നതകോവിഡ്​ പ്രതിരോധനടപടികൾ സ്വീകരിച്ചായിരിക്കും സർവീസുകളെന്ന്​ അധികൃതർ അറിയിക്കുകയുണ്ടായി. ഇരുരാജ്യങ്ങളിലേക്കും പ്രത്യേക വിമാനസർവീസുകൾ നടത്താനുള്ള ഖത്തറും ഇന്ത്യയും തമ്മിലുള്ള എയർബബ്​ൾ കരാറിൻെറ കാലാവധി ഒക്​ടോബർ 31 വരെ നീട്ടിയിരുന്നു. ഈ സാഹചര്യത്തിലാണ് പ്രത്യേക സർവീസുകൾ സജ്ജമാക്കിയിട്ടുള്ളത്..