കൊറോണ വ്യാപനത്തിന് പിന്നാലെ ഉണ്ടായ കടുത്ത നിയന്ത്രണങ്ങളിൽ വലയുന്ന പ്രവാസികളെ ദുഃഖത്തിലാഴ്ത്തി മറ്റൊരു വാർത്ത കൂടി. ഗ​ള്‍​ഫ്​ രാ​ജ്യ​ങ്ങ​ളി​ല്‍ പ്ര​വാ​സി​ക​ളു​ടെ കൊ​ഴി​ഞ്ഞു​പോ​ക്ക്​ ഏ​റ്റ​വും കൂ​ടു​ത​ല്‍ ഉ​ണ്ടാ​വു​ക കു​വൈ​ത്തി​ലെ​ന്ന​ റി​പ്പോ​ര്‍​ട്ടാണ് ഇപ്പോൾ പുറത്തേക്ക് വരുന്നത്. ഓ​ക്​​സ്​​ഫ​ഡ്​ ഇ​ക്ക​ണോ​മി​സ്​​റ്റ്​ ഫൗ​ണ്ടേ​ഷ​െന്‍റ പ​ഠ​ന റി​പ്പോ​ര്‍​ട്ടി​ലാ​ണ്​ ഇ​ക്കാ​ര്യം വ്യക്തമാക്കുന്നത്. ഒ​രു വ​ര്‍​ഷ​ത്തി​നി​ടെ കു​വൈ​ത്തി​ലെ പ്ര​വാ​സി ജ​ന​സം​ഖ്യ 12 ശ​ത​മാ​നം കു​റ​യു​മെ​ന്നാ​ണ്​ കണക്കുകൾ പ്രകാരം വ്യക്തമാകുന്നത്. ക​ഴി​ഞ്ഞ മേയി​ല്‍ ക​ണ​ക്കു​കൂ​ട്ടി​യി​രു​ന്ന​ത് ഒ​മ്പ​ത്​ ശ​ത​മാ​നം കു​റ​യു​മെ​ന്നാ​ണ്​. എ​ന്നാ​ല്‍, കോ​വി​ഡ്​ സൃ​ഷ്​​ടി​ച്ച ആ​ഘാ​ത​ത്തി​ല്‍ നി​ര​വ​ധി പേ​ര്‍​ക്ക്​ തൊ​ഴി​ല്‍ ന​ഷ്​​ട​മാ​യ​തും നാ​ട്ടി​ല്‍ പോ​യ​വ​ര്‍​ക്ക്​ ഇ​ഖാ​മ കാ​ലാ​വ​ധി ക​ഴി​ഞ്ഞ​തി​നാ​ല്‍ തി​രി​ച്ചു​വ​രാ​ന്‍ ക​ഴി​യാ​ത്ത​തും സ്വ​ദേ​ശി​വ​ത്​​ക​ര​ണ ന​ട​പ​ടി​ക​ളു​മാ​ണ്​ തോ​ത്​ വ​ര്‍​ധി​ക്കു​ന്ന സാ​ഹ​ച​ര്യ​ത്തി​ലേ​ക്ക്​ ന​യി​ക്കു​ന്ന​ത്.

കോ​വി​ഡ്​ സൃ​ഷ്​​ടി​ച്ച സാമ്പ​ത്തി​കാ​ഘാ​തം മ​റി​ക​ട​ന്ന്​ സാ​ധാ​ര​ണ നി​ല​യി​ലാ​വാ​ന്‍ ര​ണ്ടു​വ​ര്‍​ഷ​മെ​ടു​ക്കു​മെ​ന്നാ​ണ്​ കണ്ടെത്തൽ. അ​​ത്​ മ​റ്റു ഗ​ള്‍​ഫ്​ രാ​ജ്യ​ങ്ങ​ളി​ലേ​ക്ക്​ ​പ്ര​വാ​സി​ക​ളു​ടെ മ​ട​ക്കം വ​ര്‍​ധി​ക്കാ​ന്‍ വ​ഴി​വെ​ക്കു​മെ​ന്ന്​ ഓ​ക്​​സ്​​ഫ​ഡ്​ ഇ​ക്ക​ണോ​മി​സ്​​റ്റ്​ റി​പ്പോ​ര്‍​ട്ടി​ല്‍ പ​റ​യു​ന്നത്. എ​ന്നാ​ല്‍, കു​വൈ​ത്തി​ല്‍ സ്വ​ദേ​ശി​വ​ത്​​ക​ര​ണ​വും വി​ദേ​ശി​ക​ളെ പ​ര​മാ​വ​ധി ഒ​ഴി​വാ​ക്കി ജ​ന​സം​ഖ്യ സ​ന്തു​ല​നം സാ​ധ്യ​മാ​ക്ക​ണ​മെ​ന്ന മു​റ​വി​ളി​യും അധികൃതരിൽ നിന്നും ഉയരുകയാണ്. എന്നാൽ സ​ര്‍​ക്കാ​ര്‍ ഈ ​നി​ര്‍​ദേ​ശ​ങ്ങ​ള്‍ അംഗീകരിച്ചുകൊണ്ട് പ്രായോഗിക നടപടികൾ ആരംഭിക്കുകയുണ്ടായി.

മാത്രമല്ല, ഇ​തെ​ല്ലാം രാ​ജ്യ​ത്തെ പ്ര​വാ​സി സാ​ന്നി​ധ്യം കു​റ​ക്കു​മെ​ന്നാ​ണ്​ വി​ല​യി​രു​ത്ത​ല്‍. പു​തി​യ വി​സ​ക​ള്‍ അ​നു​വ​ദി​ക്കു​ന്ന​തി​ല്‍ ക​ര്‍​ശ​ന നി​യ​ന്ത്ര​ണ​മു​ണ്ടാ​കുന്നതാണ്.നി​ല​വി​ലു​ള്ള​വ​രെ ഒ​ഴി​വാ​ക്കാ​ന്‍ സ​മ്മ​ര്‍​ദം ചെ​ലു​ത്തു​ക​യും സാമ്പ​ത്തി​ക​മാ​യി മെ​ച്ച​മി​ല്ലാ​ത്ത​തി​നാ​ലും മ​റ്റും സ്വ​യം ഒ​ഴി​ഞ്ഞു​പോ​വു​ക​യും ചെ​യ്യുന്നതാണ്. മാത്രമല്ല ജീ​വി​ത​ച്ചെ​ല​വ്​ കൂ​ടു​ക​യും വ​രു​മാ​നം കു​റ​യു​ക​യും ചെ​യ്യു​ന്ന​ത്​ വി​ദേ​ശ തൊ​ഴി​ലാ​ളി​ക​ളെ സ​മ്മ​ര്‍​ദ​ത്തി​ലാ​ക്കു​ന്നു​ണ്ട്. ഇത്തരത്തിലുള്ള നടപടികൾ പ്രവാസികളെ ഏറെ വലയിക്കുകയാണ്.