ലോകത്ത് വിസ്മയങ്ങൾ സൃഷ്‌ടിക്കുകയാണ് ദുബായ്. സഞ്ചാരികളെ വരവേൽക്കാൻ ഒരുങ്ങുന്നതോടൊപ്പം പുതുകാഴ്ചകളൂം സൃഷ്ടിക്കുകയാണ് അധികൃതർ. ലോകോത്തര ഫുട്​ബാളി​ന്റെ വിസ്​മയ ലോകത്തേക്ക്​ ആരാധകരെയും കുട്ടികളെയും മുതിര്‍ന്നവരെയും കൂട്ടിക്കൊണ്ടുപോകുന്ന '​ഫുട്​ലാബ്​' ദുബൈയില്‍ തുറക്കുകയുണ്ടായി. ഫുട്​ബാളിനൊപ്പം മറ്റ്​ വിനോദങ്ങളും ഒരു കുടക്കീഴില്‍ അണിനിരക്കുന്ന ലോകത്തിലെ ആദ്യ അന്താരാഷ്​ട്ര ഇന്‍ഡോര്‍ ഫുട്​ബാള്‍ വേദിയാണ്​ ദുബൈയില്‍ തുറന്നിരിക്കുന്നത്​. നിര്‍മിത ബുദ്ധിയുടെ സഹായത്തോടെയാണ്​ പ്രവര്‍ത്തനം നടക്കുന്നത്.

അതേസമയം ഫുട്​ബാള്‍ ഗ്രൗണ്ടിന്​ പുറമെ അമ്യൂസ്​മെന്‍റ്​ പാര്‍ക്കിന്​ സമാനമായ വിനോദോപാധികളും ഫിറ്റ്​നസ്​ സെന്‍ററുകളും കുട്ടികളുടെ പരിശീലന കേന്ദ്രങ്ങളുമെല്ലാം അണിനിരക്കുന്നു എന്നതാണ്​ ഇതിന്റെ ഏറ്റവും വലിയ പ്രത്യേകത എന്നത്. യൂറോ കപ്പിന്റെ ആരവങ്ങളിലേക്ക്​ ആവേശം വിതറുന്നതിന്​ ഫുട്​ലാബിന്റെ ഉദ്​ഘാടനം മുന്‍ പോര്‍ച്ചുഗീസ്​ താരം റൂയി കോസ്​റ്റ നിര്‍വഹിക്കുകയുണ്ടായി.

ദുബൈ സ്​പോര്‍ട്​സ്​ സിറ്റിയിലെ 2000 ചതുരശ്ര മീറ്ററിലാണ്​ ഫുട്​ലാബ്​ നിർമ്മിച്ചിരിക്കുന്നത്​. സ്​ട്രീറ്റ്​ സോക്കര്‍, ഫുട്​വോളി, ഫൈവ്​സ്​ ഫുട്​ബാള്‍ ഗ്രൗണ്ട്​, സ്​കില്‍ പരിശീലിക്കാനുള്ള സൗകര്യം എന്നിവ ഇവിടെ ഒരുക്കിയിട്ടുണ്ട്​. ഞായര്‍ മുതല്‍ ബുധന്‍ വരെ രാവിലെ പത്ത്​ മുതല്‍ രാത്രി പത്ത്​ വരെയും ബാക്കി ദിവസങ്ങളില്‍ രാവിലെ പത്ത്​ മുതല്‍ രാത്രി ഒരു മണി വരെയും തുറന്നിരിക്കുന്നതാണ്.

നിര്‍മിത ബുദ്ധിയുടെ സഹായത്തോടെയാണ്​ ഫുട്​ബാള്‍ സ്​കില്‍ പരിശീലനം നടത്താൻ പദ്ധതിയിട്ടിരിക്കുന്നത്. പെനാല്‍റ്റിയും ഫ്രീക്കിക്കും ഇങ്ങനെ ഗോള്‍വല ലക്ഷ്യമിട്ട്​ ഷൂട്ട്​ ചെയ്യാൻ സാധിക്കുന്നതാണ്. വമ്പന്‍ മൈതാനങ്ങളിലേക്ക്​ താരങ്ങള്‍ ഇറങ്ങിവരുന്ന ചാമ്പ്യന്‍സ്​ ടണലും നിര്‍മിത ബുദ്ധിയുടെ സഹായത്തോടെ എവിടെ സ്​ഥാപിച്ചിട്ടുണ്ട്. ആരവങ്ങള്‍ക്ക്​ നടുവിലൂടെ ഇറങ്ങിവരുന്ന പ്രതീതി കുട്ടികള്‍ക്കടക്കം വേറിട്ട അനുഭവമാകും നൽകുന്നത്. കുട്ടികള്‍, കൗമാരക്കാര്‍, മുതിര്‍ന്നവര്‍, സുഹൃത്തുക്കള്‍, കുടുംബങ്ങള്‍, സ്​ഥാപനങ്ങള്‍, സംഘടനകള്‍ തുടങ്ങിയവര്‍ക്ക്​ ഒരുമിച്ച്‌​ കായിക പ്രവര്‍ത്തനങ്ങളില്‍ ഏര്‍പ്പെടാന്‍ കഴിയുന്നതാണ്.

അതോടൊപ്പം തന്നെ തങ്ങളുടെ ആദ്യ അന്താരാഷ്​ട്ര ഫുട്​ലാബിന്​ ഏറ്റവും അനുയോജ്യമായ വേദിയാണ്​ ദുബൈ എന്ന്​ റൂയി കോസ്​റ്റ പറഞ്ഞു. ഫുട്​ബാള്‍ എന്റെ ജീവിതമാണ്​. ഫുട്​ബാളിനോടുള്ള എന്റെ സ്​നേഹം പങ്കിടാന്‍ കഴിയുന്ന ഏറ്റവും മികച്ച നഗരമാണ്​ ദുബൈ എന്നത് ഏവർക്കും അറിയാം. എല്ലാ പ്രായത്തിലുമുള്ള ഫുട്​ബാള്‍ താരങ്ങളെ വളര്‍ത്തുക എന്നതാണ്​ പ്രധാന ലക്ഷ്യം. പ്രഫഷനല്‍ ആകാതെ ഫുട്​ബാളിന്റെ സൗന്ദര്യം ആസ്വദിക്കാന്‍ കഴിയുന്നു എന്നതാണ്​ ഫുട്​ലാബി​െന്‍റ പ്രത്യേകത.

നിങ്ങളുടെ കായികക്ഷമത അളക്കാനും ഏതൊക്കെ മേഖലകളിലാണ്​ മെച്ചപ്പെടേണ്ടത്​ എന്ന്​ വ്യക്​തമാക്കാനും ഇവിടെയുള്ള കൃത്രിമ ബുദ്ധി സഹായിക്കുമെന്നും അദ്ദേഹം കൂട്ടിച്ചേര്‍ക്കുകയുണ്ടായി. കുട്ടികളുമായി ഫുട്​വോളി കളിക്കാനും അദ്ദേഹം സമയം കണ്ടെത്തി.ഇത്​ ദുബൈയുടെ പുതിയ വിനോദ സഞ്ചാര ലക്ഷ്യസ്​ഥാനമാണെന്ന്​ ഫുട്​ലാബ്​ മാനേജിങ്​ ഡയറക്​ടര്‍ ഹുസൈന്‍ മുറാദ്​ പറഞ്ഞു. യു.എ.ഇയിലെ എല്ലാ സമൂഹങ്ങളെയും ഇവിടേക്ക്​ ക്ഷണിക്കുന്നുവെന്നും അദ്ദേഹം അറിയിച്ചു.