വിലക്കുകൾ നീക്കി ഗൾഫ് രാഷ്ട്രങ്ങൾ സജീവമാകുകയാണ്. വാക്‌സിൻ എല്ലാവര്ക്കും നൽകി കൂടുതൽ പ്രതിരോധശേഷി ആർജിക്കുമ്പോഴും പ്രതീക്ഷയോടെയാണ് പ്രവാസികൾ ഉറ്റുനോക്കുന്നത്. എന്നാൽ പ്രവാസികളെ വെട്ടിലാക്കി വീണ്ടും കടുത്ത തീരുമാനങ്ങളുമായി ഗൾഫ് രാഷ്ട്രങ്ങൾ മുന്നോട്ട് വരുകയാണ്....

കുവൈത്തില്‍ ബിരുദമില്ലാത്തവരുടെ വിസ പുതുക്കുന്നതിന് 60 വയസ്സ് പ്രായപരിധി നിശ്ചയിച്ചതായുള്ള വാർത്തകൾ കഴിഞ്ഞ കുറച്ച് മാസങ്ങൾക്ക് മുൻപാണ് പുറത്തുവന്നത്. ഇതിനുപിന്നാലെ രാജ്യം വിട്ടത് നാല്‍പതിനായിരത്തിലധികം പ്രവാസികളാണ്. 60 വയസ്സിന് മുകളില്‍ പ്രായമുള്ള 42,334 പേര്‍ ഇതിനകം തന്നെ കുവൈത്ത് വിട്ടതായാണ് മാനവശേഷി വകുപ്പിന്റെ കണക്കുകള്‍ വ്യക്തമാക്കുന്നത്. ഉന്നതവിദ്യാഭ്യാസമില്ലെങ്കിലും തൊഴില്‍ ശേഷിയും പരിചയസമ്പത്തുമുള്ള നിരവധി പേര്‍ തിരിച്ചുപോയത് തൊഴില്‍വിപണിയെ സാരമായി ബാധിച്ചിട്ടുണ്ട്.

അതോടൊപ്പം തന്നെ 2021 ജനുവരി മുതലാണ് പ്രായപരിധി തീരുമാനം പ്രാബല്യത്തിലായത്. 60ന് മേല്‍ പ്രായമുള്ള, ബിരുദമില്ലാത്തവരുടെ വര്‍ക്ക് പെര്‍മിറ്റ് പുതുക്കാന്‍ 2000 ദീനാര്‍ ഫീസ് ഈടാക്കാനാണ് മാന്‍പവര്‍ അതോറിറ്റി തീരുമാനം കൈക്കൊണ്ടിരിക്കുന്നത്. എന്നാൽ ഉന്നത വിദ്യാഭ്യാസമില്ലാത്തതിനാല്‍ തന്നെ ഇവരില്‍ അധികവും ചെറിയ ശമ്പളത്തിനാണ് ജോലി ചെയ്തുവരുന്നത്. ഇതിൽ റെസ്റ്റാറന്റ്, ഗ്രോസറി തുടങ്ങിയ മേഖലകളിലാണ് പ്രായമേറിയവരില്‍ അധികപേരും തൊഴിലെടുക്കുന്നത്. ശരാശരി 200 ദീനാര്‍ ശമ്പളത്തിന് ജോലി ചെയ്യുന്നവര്‍ക്ക് 2000 ദീനാര്‍ കൊടുത്ത് വര്‍ക്ക് പെര്‍മിറ്റ് പുതുക്കാൻ കഴിയില്ല. കൂടാതെ ആരോഗ്യ ഇന്‍ഷുറന്‍സ് തുക ഇതിന് പുറമെ നല്‍കണം. ഇതൊക്കെയാണ് നാല്‍പത്തിനായിരത്തിലേറെ പ്രവാസികളെ കുവൈത്ത് വിടാന്‍ നിര്‍ബന്ധിതരാക്കിയത്. തൊ​ഴി​ൽ പെ​ർ​മി​റ്റ് പു​തു​ക്കു​ന്ന​തി​ന് പ്രാ​യ​വും വി​ദ്യാ​ഭ്യാ​സ​യോ​ഗ്യ​ത​യും മാ​ന​ദ​ണ്ഡ​മാ​യ​പ്പോ​ൾ മ​ല​യാ​ളി​ക​ൾ ഉ​ൾ​പ്പെ​ടെ നി​ര​വ​ധി പ്ര​വാ​സി​ക​ൾ​ക്ക് മ​ട​ങ്ങേ​ണ്ടി വ​ന്നു.

കൂടാതെ കു​വൈ​ത്തി​ൽ​നി​ന്ന്​ തി​രി​ച്ചു​പോ​യ​വ​രി​ൽ ഒ​രു വി​ഭാ​ഗം മ​റ്റ്​ ഗ​ൾ​ഫ്​ രാ​ജ്യ​ങ്ങ​ളി​ലേ​ക്ക്​ തൊ​ഴി​ൽ തേ​ടി പോ​യി​ട്ടു​ണ്ട് എന്നാണ് ലഭ്യമാകുന്ന വിവരം. ഇത്തരത്തിൽ പ്രവാസികളുടെ കൊഴിഞ്ഞുപോക്ക് പല തൊഴിൽ മേഖലകളെയും സാരമായി ബാധിക്കുന്നുണ്ട്. ആയതിനാൽ തന്നെ 60ന്​ ​മേ​ൽ പ്രാ​യ​മു​ള്ള, ബി​രു​ദ​മി​ല്ലാ​ത്ത​വ​രു​ടെ വ​ർ​ക്ക്​ പെ​ർ​മി​റ്റ്​ പു​തു​ക്കാ​ൻ 2,000 ദീ​നാ​ർ ഫീ​സ്​ ഈ​ടാ​ക്കു​മെ​ന്ന മാ​ൻ​പ​വ​ർ അ​തോ​റി​റ്റി​യു​ടെ തീ​രു​മാ​നം റ​ദ്ദാ​ക്ക​ണ​മെ​ന്ന ആ​വ​ശ്യ​മാ​ണ്​ നി​ര​വ​ധി സ്വ​ദേ​ശി​ക​ളി​ൽ​നി​ന്നും പാ​ർ​ല​മെൻറ്​ അം​ഗ​ങ്ങ​ളി​ൽ​നി​ന്നും നിലവിൽ ഉ​യ​രു​ന്ന​ത്.

അതേസമയം കൊമേഴ്ഷ്യല്‍ വിസിറ്റ് വിസയില്‍ കുവൈത്തിലെത്തുന്ന പ്രവാസികള്‍ക്ക് അത് വര്‍ക്ക് പെര്‍മിറ്റാക്കി മാറ്റാന്‍ അനുമതി നൽകി അധികൃതർ രംഗത്ത്. വിസിറ്റ് വിസയില്‍ എത്തിയവര്‍ കുവൈത്തില്‍ തന്നെ ആയിരിക്കുമ്പോഴാണ് ഈ സൗകര്യം ഒരുക്കിയിട്ടുള്ളത്.

ഇതുമായി ബന്ധപ്പെട്ട് ഡയറക്ടര്‍ ജനറല്‍ ഓഫ് പബ്ലിക് അതോറിറ്റി ഫോര്‍ മാന്‍പവര്‍ അഹ്മദ് അല്‍ മൂസ സര്‍ക്കുലര്‍ ഇറക്കിയതായി അല്‍ ഖബസ് പത്രം റിപ്പോര്‍ട്ട് ചെയ്യുകയുണ്ടായി. ആഭ്യന്തര മന്ത്രാലയവുമായി സഹകരിച്ചാണ് കൊമേഴ്ഷ്യല്‍ വിസിറ്റ് വിസയിലെത്തുന്നവര്‍ക്ക് അത് തൊഴില്‍ വിസയാക്കി മാറ്റാന്‍ അനുമതി നല്‍കുന്നതിനുള്ള നടപടി സ്വീകരിച്ചതെന്നും അദ്ദേഹം വ്യക്തമാക്കി.