മഴകാണണമെങ്കില് നാട്ടില് വരണമെന്ന് എല്ലാ ഗള്ഫ്കാരനുമറിയാം. മഴയത്ത് കുടയും പിടിച്ചുകൊണ്ടുള്ള ആ ഒരു യാത്ര മലയാളികള്ക്ക് മറക്കാനാവില്ല. എന്നും ഗൃഹാതുരത്വമുണര്ത്തുന്ന ഒരോര്മയാണ് മഴ. ദുബായില് പെയ്ത മഴ ഓരോ പ്രവാസിയേയും പഴയ ഓര്മ്മകളിലേക്ക് കൂട്ടിക്കൊണ്ടുപോയി.
രണ്ട് വര്ഷമായി ഉരുകിക്കഴിഞ്ഞിരുന്ന ദുബായ്ക്ക് ആശ്വാസമായാണ് കുളിര്മഴയെത്തിയത്. വെള്ളിയാഴ്ച രാവില മുതല് തുടങ്ങിയ മഴ ഉച്ചയോടെ തോര്ന്നെങ്കിലും ചിലയിടങ്ങളില് വൈകിട്ട് ശക്തമായി. യുഎഇയിലെ ഏഴ് എമിറേറ്റുകളിലും ശക്തമായ മഴ ലഭിച്ചു. ബഹ്റൈനിലും ദമാമിലും ചെറിയ മഴ കിട്ടി. ഇടിയുടെയും കാറ്റിന്റെയും അകമ്പടിയോടെയെത്തിയ മഴ താഴ്ന്ന പ്രദേശങ്ങളെ വെളളത്തിലാക്കി. റോഡുകളില് വെളളക്കെട്ടുണ്ടായതോടെ ചിലയിടങ്ങളില് ഗതാഗതവും തടസപ്പെട്ടു.