ദുബായ്: നികുതി ഇൗടാക്കുന്നതു സംബന്ധിച്ച അവ്യക്​തതയെ തുടര്‍ന്ന്​ ​പ്രീപെയ്​ഡ്​ കാര്‍ഡ്​ വാങ്ങുന്നവരില്‍ നിന്നും​ അഞ്ചു ശതമാനം വാറ്റ്​ കൂടി ഇൗടാക്കിയെന്ന പരാതിയെതുടർന്നുണ്ടായ തീരുമാനത്തിനു അവസാനമായി. കൂപ്പണുകളുടെ വിലയിൽ നിന്ന് ഒരു രൂപ പോലും അധികം വാങ്ങേണ്ടെന്ന നിർദ്ദേശവുമായിട്ടാണ് ടെലികോം കമ്പനികൾ മുന്നോട്ടു വന്നിരിക്കുന്നത്. ​അധിക തുക നല്‍കി കാര്‍ഡ്​ വാങ്ങി ഫോണ്‍ ചെയ്യവെ വീണ്ടും നികുതി ഇൗടാക്കപ്പെട്ടുവെന്ന്​ ചിലര്‍ സാമൂഹിക മാധ്യമങ്ങളിലും പ്രതികരിച്ചിരുന്നുവെന്ന പശ്ചാത്തലത്തിലാണ് ദുബായിയിലെ പ്രമുഖ സിം കമ്പനികളായ ഇത്തിസലാത്തും ഡുവും ഇക്കാര്യം വ്യക്തമാക്കിയിരിക്കുന്നത്. ടെലികോം സേവനത്തിന്​ മൂല്യവര്‍ധിത നികുതി (വാറ്റ്​) ബാധകമാണെങ്കിൽ പോലും ​ഇത് ഇൗടാക്കേണ്ടത്​ കച്ചവടക്കാര്‍ നേരിട്ടല്ല എന്നും അറിയിച്ചിട്ടുണ്ട്.

പോസ്റ്റ്​ പെയ്​ഡ്​ ഉപഭോക്​താക്കളുടെ മാസാവസാനത്തെ ബില്ലില്‍ വാറ്റ്​ ഉള്‍പ്പെടുത്തും. അതുപോലെതന്നെ പ്രീപെയ്​ഡ്​ വരിക്കാര്‍ ഒാരോ തവണ വിളിക്കുമ്പോഴും അവർ ഉപയോഗിച്ച തുകക്ക്​ അനുസൃതമായി വാറ്റ്​ ഇടാക്കും.