അസാധ്യമെന്നു കരുതിയത് സാധ്യമാക്കിയതിന്റെ ആശ്വാസത്തിലാണ് ലോകം. തായ്‌ലണ്ടിലെ താം ലുവാങ് നാം ഗുഹയില്‍ കുടുങ്ങിയ 12 കുട്ടികളും കോച്ചും സുരക്ഷിതരായി ജീവിതത്തിലേക്കു തിരിച്ചെത്തി.രാവിലെ 10.08നാണ് നാലു കുട്ടികളെയും ഫുട്ബാൾ കോച്ചിനെയും പുറത്തെത്തിക്കാനുള്ള മുങ്ങൽ വിദ്ഗധരുടെ മൂന്നാംഘട്ട ദൗത്യം തുടങ്ങിയത്. വരും ദിവസങ്ങളിൽ കനത്ത മഴക്ക് സാധ്യതയുള്ളതിനാൽ രക്ഷാപ്രവർത്തനം വേഗത്തിലാക്കുകയായിരുന്നു.

കഴിഞ്ഞ ഞായറാഴ്ച വൈകിട്ടോടെയാണ് 15 ദിവസമായി ഗുഹയിൽ കുടുങ്ങിയ കുട്ടികളും ഫുട്ബാൾ കോച്ചും അടക്കം 13 അംഗ സംഘത്തിൽ നാലു കുട്ടികളെ ആദ്യഘട്ടത്തിൽ പുറത്തെത്തിച്ചത്. തുടർന്ന് തിങ്കളാഴ്ച നാലു കുട്ടികളെ കൂടി രക്ഷപ്പെടുത്തി. ര​ക്ഷ​പ്പെ​ടു​ത്തു​ന്ന​തി​നു​ മു​മ്പ്​ കു​ട്ടി​ക​ളെ ഡോ​ക്​​ട​ർ പ​രി​ശോ​ധി​ച്ച്​ അ​വ​ർ​ക്ക്​ ശാ​രീ​രി​ക, മാ​ന​സി​ക​ക്ഷ​മ​ത​യു​ണ്ടെ​ന്ന്​ ഉ​റ​പ്പു​വ​രു​ത്തി​യി​രു​ന്നു.

ജൂ​ൺ 23നാ​ണ്​ 11നും 16​​നും ഇ​​ട​​യി​​ൽ പ്രാ​​യ​​മു​​ള്ള 12 കു​ട്ടി​ക​ളും അ​വ​രു​ടെ ഫു​ട്​​ബാ​ൾ പ​രി​ശീ​ല​ക​നും ഗു​ഹ​യി​ൽ കു​ടു​ങ്ങി​യ​ത്. 10 ദി​വ​സ​ത്തി​നു ​ശേ​ഷ​മാ​യി​രു​ന്നു ഇ​വ​ർ ജീ​വ​നോ​ടെ ഗു​ഹ​യി​ലു​ണ്ടെ​ന്ന്​ ര​ണ്ട്​ ബ്രി​ട്ടീ​ഷ്​ മു​ങ്ങ​ൽ ​വി​ദ​ഗ്​​ധ​ർ ക​ണ്ടെ​ത്തി​യ​ത്. തുടർന്ന് ഇ​വ​ർ​ക്കാവശ്യമായ​ ഒാ​ക്​​സി​ജ​ൻ സി​ലി​ണ്ട​റു​ക​ളും ഭ​ക്ഷ​ണ​വും തായ് അധികൃതർ എ​ത്തി​ച്ചു.

മ​ഴ ശ​ക്ത​മാ​യ​തി​നാ​ൽ കു​ട്ടി​ക​ൾ നാ​ലു മാ​സം ഗു​ഹ​യി​ൽ ക​ഴി​യേ​ണ്ടി​ വ​രു​മെ​ന്നാണ് അ​ധി​കൃ​ത​ർ ആദ്യം ക​ണ​ക്കു​ കൂ​ട്ടി​യി​രു​ന്ന​ത്. അതിനിടെ, ഗു​ഹ​യി​ലെ വെ​ള്ളം പ​മ്പ്​ ചെ​യ്​​ത്​ പു​റ​ത്തെ​ത്തി​ക്കാ​നാ​യി​രു​ന്നു​ ക​ഴി​ഞ്ഞ ദി​വ​സ​ങ്ങ​ളി​ൽ ശ്ര​മി​ച്ചു. എന്നാൽ, അടുത്ത നാലുമാസം തായ് ലാന്‍റിൽ കനത്ത മഴയുടെ സീസൺ ആയതിനാൽ രക്ഷാദൗ​ത്യം വേഗത്തിലാക്കുകയായിരുന്നു.

50 വിദേശ മുങ്ങൽ വിദഗ്​ധരും 40 തായ്​ലാൻറുകാരായ മുങ്ങൽ വിദഗ്​ധരും ആണ് രക്ഷാപ്രവർത്തനത്തിൽ പങ്കെടുക്കുന്നത്​. 18 അംഗ മുങ്ങൽ വിദഗ്​ധ സംഘമാണ് ഗുഹയുടെ ഉള്ളിൽ കടന്ന് രക്ഷാപ്രവർത്തനത്തിൽ പങ്കാളികളായത്.

ഗു​ഹ​യി​ൽ വെ​ള്ളം ഉ​യ​രു​മോ എ​ന്ന ആ​ശ​ങ്ക​യും ച​ളി നി​റ​ഞ്ഞ ‘ടി. ​ജ​ങ്​​ഷ​ൻ’ എ​ന്ന ഇ​ടു​ങ്ങി​യ തു​ര​ങ്ക​ഭാ​ഗ​വു​മാ​ണ്​ മുങ്ങൽ സം​ഘ​ത്തി​നു മു​ന്നി​ൽ ഏ​റെ വെ​ല്ലു​വി​ളി​യായത്​. കു​​ട്ടി​​ക​​ൾ​​ക്ക്​ ഒാ​​ക്​​​സി​​ജ​​ൻ സി​​ലി​​ണ്ട​​ർ എ​ത്തി​​ച്ച മു​ങ്ങ​ൽ വി​ദ​ഗ്​​ധ​ൻ ​സ​​ന​​ൻ ഗു​ന​​ൻ ശ്വാ​​സം​​ കി​​ട്ടാ​െ​​ത ഗു​ഹ​യി​ൽ മ​രി​ച്ച​ത്​ ആ​ശ​ങ്ക​ക്ക്​ കാ​ര​ണ​മാ​യി​രു​ന്നു.