അമേരിക്കയിലെ സ്ട്രി​പ്പ് ക്ല​ബ്ബി​ല്‍ സന്ദർശകരെ വശീകരിക്കാൻ ശ്രമിച്ചെന്ന കുറ്റത്തിൽ യു​എ​സ് പ്ര​സി​ഡ​ന്‍റ് ഡോ​ണ​ള്‍​ഡ് ട്രം​പി​നെ​തി​രേ ലൈം​ഗി​ക ആ​രോ​പ​ണം ഉന്നയിച്ച നീ​ല​ച്ചി​ത്ര ന​ടി സ്റ്റോ​മി ഡാ​നി​യ​ല്‍​സിനെ പോലീസ് അറസ്റ്റ് ചെയ്തു.

ഒ​ഹാ​യോ​വി​ലെ ഒ​രു സ്ട്രി​പ്പ് ക്ല​ബ്ബി​ല്‍​ നി​ന്ന് വ്യാ​ഴാ​ഴ്ച പു​ല​ര്‍​ച്ചെ​യാ​ണ് ന​ടി​യെ അ​റ​സ്റ്റ് ചെ​യ്ത​ത്. സി​റെ​ന്‍​സ് സ്ട്രി​പ്പ് ക്ല​ബ്ബി​ല്‍ സ്ട്രി​പ്പ​റാ​യി ജോ​ലി ചെ​യ്യു​ന്ന സ്റ്റോ​മി അ​ര്‍​ധ​ന​ഗ്ന​യാ​യി ഡാ​ന്‍​സ് ചെ​യ്യു​ന്ന​തി​നി​ടെ ക്ല​ബ്ബി​ലെ​ത്തി​യ പോ​ലീ​സ് ഉ​ദ്യോ​ഗ​സ്ഥ​ര്‍ ഇ​വ​രെ അ​റ​സ്റ്റ് ചെ​യ്ത​താ​യി അ​റി​യി​ക്കു​ക​യാ​യി​രു​ന്നെ​ന്ന് സ്റ്റോ​മി​യു​ടെ അ​ഭി​ഭാ​ഷ​ക​ന്‍ അ​റി​യി​ച്ചു. അതേസമയം പോ​ലീ​സ് അ​റ​സ്റ്റ് സ്ഥി​രീ​ക​രി​ച്ചു.

ക്ല​ബ്ബി​ലു​ണ്ടാ​യി​രു​ന്ന സ​ന്ദ​ര്‍​ശ​ക​രെ ശ​രീ​ര​ത്തി​ല്‍ തൊ​ടാ​ന്‍ അ​നു​വ​ദി​ക്കുകയും ഡി​റ്റ​ക്ടീ​വു​ക​ളി​ല്‍ ഒ​രാ​ളെ​ സ്റ്റോ​മി പ്ര​കോ​പി​പ്പി​ക്കാ​ന്‍ ശ്ര​മി​ച്ചെന്നും പോ​ലീ​സ് പ​റ​യു​ന്നു. അ​റ​സ്റ്റ് ചെ​യ്ത് സ്റ്റേ​ഷ​നി​ലെ​ത്തി​ച്ച ന​ടി​യെ പി​ന്നീ​ട് 6054 ഡോ​ള​റി​ന്‍റെ ജാ​മ്യ​ത്തി​ല്‍ വി​ട്ട​യ​ച്ചു. വെ​ള്ളി​യാ​ഴ്ച ഫ്രാ​ങ്ക്ലി​നി​ലെ കൗ​ണ്ടി കോ​ട​തി​യി​ല്‍ ഹാ​ജ​രാ​കാ​ന്‍ ഇ​വ​രോ​ടു നി​ര്‍​ദേ​ശി​ച്ചി​ട്ടു​ണ്ട്.

2006 ല്‍ ​ന​ട​ന്ന ഒ​രു ഗോ​ള്‍​ഫ് ടൂ​ര്‍​ണ​മെ​ന്‍റി​നി​ടെ ഡോ​ണ​ള്‍​ഡ് ട്രം​പ് സ്റ്റോ​മി​യു​മാ​യി ബ​ന്ധം പു​ല​ര്‍​ത്തി​യെ​ന്നാ​യി​രു​ന്നു ആ​രോ​പ​ണം ഉ​യ​ര്‍​ന്ന​ത്. ട്രം​പി​ന്‍റെ വി​വാ​ഹ​ശേ​ഷ​മാ​യി​രു​ന്നു ഇ​ത്. 2005 ലാ​ണ് ട്രം​പ് മെ​ലാ​നി​യ​യെ വി​വാ​ഹം ക​ഴി​ച്ച​ത്. ബ​ന്ധം സം​ബ​ന്ധി​ച്ച വി​വ​ര​ങ്ങ​ള്‍ വെ​ളി​പ്പെ​ടു​ത്താ​തി​രി​ക്കാ​ന്‍ ട്രം​പ് ത​നി​ക്ക് പ​ണം ന​ല്‍​കി​യെ​ന്നും ക​രാ​ര്‍ പ്ര​കാ​രം 13,000 ഡോ​ള​റാ​ണ് ത​നി​ക്ക് ല​ഭി​ച്ച​തെ​ന്നും സ്റ്റോ​മി പി​ന്നീ​ട് പ​റ​ഞ്ഞി​രു​ന്നു.