നേപ്പാളിലെ ത്രിഭൂവന് അന്താരാഷ്ട്ര വിമാനത്താവളത്തില് വിമാനം തെന്നിമാറി, തലനാരിഴയ്ക്ക് വന് ദുരന്തം ഒഴിവായി
നേപ്പാളിലെ ത്രിഭുവന് അന്താരാഷ്ട്ര വിമാനത്താവളത്തില്വിമാനം റണ്വേയില് നിന്ന് തെന്നി മാറി. തലനാരിഴയ്ക്ക് വലിയ ദുരന്തം ഒഴിവായി. ശനിയാഴ്ച രാത്രി 21 യാത്രക്കാരുമായി ഇവിടെ ഇറങ്ങിയ വിമാനം റണ്വേയില്നിന്നു തെന്നിമാറി പുല്മേട്ടിലേക്കു കയറിയെങ്കിലും ഒരപകടവും സംഭവിച്ചില്ല. യെതി എയര്ലൈന്സിന്റെ ജെറ്റ്സ്ട്രീം 41 വിമാനമാണ് അപകടത്തില്പ്പെട്ടത്. സംഭവത്തേത്തുടര്ന്ന് നേപ്പാളിലെ ഏക അന്താരാഷ്ട്ര വിമാനത്താവളമായ കാഠ്മണ്ഡു വിമാനത്താവളം 11 മണിക്കൂറിലേറെ അടച്ചിട്ടു.
മണ്ണില് താഴ്ന്ന വിമാനം സുരക്ഷിതമായി മാറ്റുന്നതിനായാണ് ഇത്ര നേരത്തേക്ക് വിമാനത്താവളം അടച്ചിട്ടത്. സംഭവത്തേക്കുറിച്ച് വിശദമായി അന്വേഷിക്കുമെന്നും മറ്റ് വിമാനങ്ങള് സുരക്ഷിതമായി ലാന്ഡ് ചെയ്യുന്നുണ്ടെന്നും എയര്പോര്ട്ട് ജനറല് മാനേജര് രാജ് കുമാര് ഛേത്രി പറഞ്ഞു.
സുരക്ഷാ കാരണങ്ങളാല് നേപ്പാള് കേന്ദ്രീകരിച്ചുള്ള വിമാന സര്വീസുകള് യൂറോപ്യന് യൂണിയന് നിരോധിച്ചിരിക്കുകയാണ്.
https://www.facebook.com/Malayalivartha