പൊന്മുടിയിൽ വീണ്ടും കാട്ടാന ആക്രമണം. ബൈക്ക് യാത്രക്കാരനായ അച്ഛനും മകളും രക്ഷപ്പെട്ടത് തലനാരിഴയ്ക്ക് . മഹേഷും മകളുമാണ് കാട്ടാനയുടെ മുന്നിൽപ്പെട്ടുപോയത്.

കല്ലാർ മൊട്ടമൂട് റോഡിൽ വച്ച് ഇന്ന് രാവിലെ ഏഴുമണിയോടെയായിരുന്നു സംഭവം നടന്നത്. റോഡിലുണ്ടായിരുന്ന ഓട്ടോറിക്ഷ കണ്ട് ആന കാട്ടിലേയ്ക്ക് പോകാനൊരുങ്ങിയ സമയത്താണ് മഹേഷും മകളും ബൈക്കിലെത്തിയത്. ഇവരെ കണ്ടതോടെ ആന ഇവർക്ക് നേരെ പാ‌ഞ്ഞടുക്കുകയും ബൈക്ക് തട്ടിയിടുകയുമായിരുന്നു.

ബൈക്ക് ഒരു വശത്തേയ്ക്ക് മറിഞ്ഞതോടെ ആന രണ്ടുപേരെയും ആക്രമിക്കാതെ തിരികെപോകുകയായിരുന്നു. ഭാഗ്യംകൊണ്ടുമാത്രമാണ് ഇരുവരും രക്ഷപ്പെട്ടത്.