മരണമറിഞ്ഞതിനുശേഷമുളള ഭര്‍ത്താവിന്റെ ചലനങ്ങളാണ് ഹോട്ടലിലെ സിസിടിവിയില്‍ നിന്നും കോടതി പ്രധാനമായും പരിശോധിക്കുന്നത്. തന്റെ ഭാര്യയെ ഹണിമൂണ്‍ കാലത്ത് കൊലപ്പെടുത്തിയ ഷ്രിയേന്‍ ദെവാനി, സൗത്ത് ആഫ്രിക്കയില്‍ത്തന്നെ ഇതുപോലെ മറ്റൊരു കൊലപാതകം നടത്തിയിട്ടുണ്ടെന്നും അതിലിന്നുവരെ താന്‍ പിടിക്കപ്പെട്ടിട്ടില്ലന്ന് പറഞ്ഞതായി കൊലയ്ക്ക് സഹായത്തിനായി കൂട്ടിയ ടാക്‌സിഡ്രൈവര്‍ കോടതിയോട് പറഞ്ഞു.
മൂന്ന് വര്‍ഷങ്ങള്‍ക്ക് മുമ്പ് ദെവാനി ഒരു കുടുംബ സഹൃത്തിനെ കൊല്ലാന്‍, കാര്‍ തട്ടികൊണ്ടുപോകല്‍ നാടകം നടത്തിയിട്ടുണ്ടെന്നും അതുകൊണ്ട് അത് വലിയ പ്രശ്‌നമൊന്നുമില്ലെന്നും പറഞ്ഞാണ് തന്നെ ഇതിലേയ്ക്ക് പങ്കാളിയാക്കിയതെന്ന് ടാക്‌സി ഡ്രൈവര്‍ മൊഴി നല്‍കി. എന്നാല്‍ ഈ കേസില്‍ നിന്നും  ദെവാനിയെ നേരത്തെ കുറ്റവിമുക്തനാക്കിയിരുന്നു.
ടാക്‌സി ഡ്രൈവര്‍ ടോംഗോയുടേയും മറ്റു രണ്ടു വാടകക്കൊലയാളിയുടേയും ആരോപണങ്ങള്‍ ദെവാനി നിഷേധിച്ചിട്ടുണ്ട്. കുടുംബ സുഹൃത്ത് ഡോ.രാഘവ്ജിയും ദെവാനിയുടെ ഭാര്യയും കൊല്ലപ്പെടുന്നതിന് ഒരേ ഒരു വെടുയുണ്ട മാത്രമേ ആവശ്യമായി വന്നുളളു എന്നത് ഒരു സാമ്യമാണ്. കൂടാതെ രണ്ടു കേസിലും കാറുകള്‍ മോഷ്ടിക്കപ്പെട്ടിട്ടില്ല എന്നതും ശ്രദ്ധേയമാണെന്ന് അന്വേഷണോദ്യോഗസ്ഥന്‍ ചൂണ്ടിക്കാട്ടുന്നു.

വാടകക്കൊലയാളികള്‍ക്കു കൊടുക്കേണ്ട തുക മാറ്റിയെടുക്കേണ്ട ആവശ്യത്തിനായി യാത്ര ചെയ്യവേയാണ് കാര്‍ തട്ടിയെടുക്കല്‍ നാടകത്തെക്കുറിച്ച് തന്നോട് പറഞ്ഞതെന്ന് കാര്‍ ഡ്രൈവര്‍ പറയുന്നു. രണ്ടാമത്തെ കൊലയില്‍ പങ്കാളിയായ മൊലൊംബോയും ഈ കാര്യം പറയുന്നുണ്ട്. കോടതിയില്‍ ഈ വസ്തുത പറയുമ്പോള്‍ ആദ്യമായികേട്ട കാര്യമെന്നപോലെ ദേവാനി നിന്നത്രേ. നാലു വര്‍ഷത്തിന് മുമ്പ് ഈ കേസ് തുടങ്ങിയ കാലം തൊട്ട് ഇയാള്‍ പല പല കാര്യങ്ങളും മാറ്റി പറയുന്നുണ്ടെങ്കിലും ഈയൊരു കഥ മാത്രം അയാള്‍ മാറ്റി പറഞ്ഞിട്ടില്ല എന്നും അന്വേഷണോദ്യോഗസ്ഥന്‍ പറയുന്നു. ഇയാള്‍ ഇപ്പോള്‍ കേസില്‍ മാപ്പുസാക്ഷിയാണ്. രണ്ടു വാടകകൊലയാളികളെ സജ്ജമാക്കിക്കൊടുത്തതിനും ദെവാനിയുടെ ഭാര്യയെ കൊലയാളികളുടെ അടുക്കല്‍ കാറില്‍ കൊണ്ടു പോകുന്നതിനുമായി തനിക്ക് കിട്ടുമെന്ന് പ്രതീകിഷിച്ച തുകയുടെ കാല്‍ഭാഗം മാത്രമേ കിട്ടിയുളളു എന്നാണ് കാര്‍ ഡ്രൈവര്‍ പറയുന്നത്.

ഭാര്യമരണപ്പെട്ട വിവരം അിറഞ്ഞതിനുശേഷം ഹോട്ടലില്‍ ഭാര്യപിതാവിനൊപ്പമിരുന്ന ദെവാനിയെ കാര്‍ഡ്രൈവര്‍ സന്ദര്‍ശിക്കുന്നതും അയാള്‍ക്ക് പണം കൊടുക്കാനായി ഭാര്യാപിതാവിനെ വിട്ട് എഴുന്നേറ്റു പോകുന്നതും ദൃശൃങ്ങളിലുണ്ട്. ഡ്രൈവര്‍ക്ക് പണം കൊടുത്ത് മടങ്ങിയെത്തുന്നതുംകാണാം. ഭാര്യപിതാവിന്റെ അടുത്തു നിന്നും അയാള്‍ മാറി നിന്ന ഏഴ് മിനിറ്റ് സമയത്തെക്കുറിച്ച് ദെവാനിക്ക് നന്നായി വിശദീകരിക്കേണ്ടി വരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha