റാഷിദ തലൈബ് യു.എസ് കോണ്ഗ്രസിലേയ്ക്കും ചരിത്രത്തിലേക്കും, സെനറ്റിലെത്തുന്ന ആദ്യ പലസ്തീന് വംശജയായി റാഷിദ
ചരിത്രത്തില് ആദ്യമായി മുസ്ലീം വനിതകള് അമേരിക്കന് കോണ്ഗ്രസിലേക്ക് തിരഞ്ഞെടുക്കപ്പെട്ടു. പലസ്തീന് അഭയാര്ത്ഥികളുടെ മകളായ റാഷീദ തലൈബ്, ഡമോക്രാറ്റിക്ക് സ്ഥാനാര്ത്ഥിയായാണ് തിരഞ്ഞെടുക്കപ്പെട്ടത്. സെനറ്റിലെത്തുന്ന ആദ്യ പലസ്തീന് വംശജ കൂടിയാണ് റാഷിദ. അവര് തിരഞ്ഞെടുക്കപ്പെട്ടത് മിഷിഗണിലെ നിയോജക മണ്ഡലത്തില് നിന്നാണ്. റാഷിദയ്ക്ക് പുറമെ, സൊമാലിയന് വംശജയായ ഐലന് ഒമര് മിനിസോട്ടയില് നിന്നും വിജയിച്ചു. മിനിസോട്ട ഡെമോക്രാറ്റിക്ക് ലേബര് പാര്ട്ടിയുടെ സ്ഥാനാര്ത്ഥിയായാണ് ഇവര് മത്സരിച്ചത്.
റാഷിദക്കെതിരെ റിപ്പബ്ലിക്കന് പാര്ട്ടി സ്ഥാനാര്ത്ഥികളോ മറ്റ് പാര്ട്ടി സ്ഥാനാര്ത്ഥികളോ മത്സരിക്കാന് ഉണ്ടായിരുന്നില്ല. അതിനാല് യുഎസ് കോണ്ഗ്രസിലേക്ക് എതിരില്ലാതെയാണ് അവര് വിജയിച്ചത്. ലൈംഗിക ആരോപണത്തെ തുടര്ന്ന് തല്സ്ഥാനത്തുണ്ടായിരുന്ന ജോണ് കോണ്യേഴ്സ് രാജി വെച്ച ഒഴിവിലാണ് തിരഞ്ഞെടുപ്പ് നടന്നത്.
ഡോണള്ഡ് ട്രംപ് പ്രസിഡന്റായതിന് ശേഷം അമേരിക്കന് മുസ്ലിങ്ങള്ക്ക് എതിരായ അക്രമം വര്ധിച്ചതാണ് തന്നെ തിരഞ്ഞെടുപ്പില് മത്സരിക്കാന് പ്രേരിപ്പിച്ചതെന്ന് റാഷിദ മാധ്യമങ്ങളോട് പറഞ്ഞു. മിനിമം വേതനം, മെഡികെയര് ഉള്പ്പടെയുള്ള സാമൂഹ്യ സുരക്ഷാ പദ്ധതികള് റദ്ദാക്കുന്ന ട്രംപ് ഭരണകൂടത്തിന്റെ നയങ്ങള്ക്കെതിരെ പ്രതിഷേധിച്ച യുവതിയാണ് റാഷിദ.
https://www.facebook.com/Malayalivartha
