ഇന്ത്യയുടെ സാമ്പത്തിക മുന്നേറ്റത്തില് പങ്കുചേരാന് ആസിയാന് രാജ്യങ്ങളോട് പ്രധാനമന്ത്രി നരേന്ദ്ര മോഡി
ഇന്ത്യയുടെ പുത്തന് സാമ്പത്തികമുന്നേറ്റത്തില് പങ്കുചേരാന് ആസിയാന് രാജ്യങ്ങളോടു പ്രധാനമന്ത്രി നരേന്ദ്രമോഡി അഭ്യര്ഥിച്ചു. ആസിയാന് വട്ടമേശസമ്മേളനത്തില് ഹിന്ദിയില് സംസാരിച്ച മോഡി ഇന്ത്യയില് സാമ്പത്തിക വികസനത്തിന്റേയും വ്യവസായികവത്കരണത്തിന്റേയും കച്ചവടത്തിന്റേയും പുതിയ യുഗത്തിനു തുടക്കമായെന്നു പറഞ്ഞു. വേഗം വളരുന്ന ഇന്ത്യയ്ക്കൊപ്പം വികസനപ്രവര്ത്തനങ്ങളില് പങ്കാളികളാകാന് ആസിയാന് രാജ്യങ്ങളോട് അദ്ദേഹം ആഹ്വാനം ചെയ്തു. ഇന്ത്യയുടെ കിഴക്കുനോക്കല് നയം കിഴക്കുപ്രവര്ത്തിക്കല് നയം ആയി മാറിയെന്നു മോഡി പറഞ്ഞു. അയല്ബ്ലോക്കുമായുള്ള ബന്ധം മെച്ചപ്പെടുത്തുന്നതില് വ്യക്തിഗതശ്രദ്ധ ചെലുത്തുമെന്ന് ആസിയാന് രാജ്യങ്ങള്ക്കു പ്രധാനമന്ത്രി ഉറപ്പും നല്കി.
ചെറുതും ഇടത്തരവുമായ സാമ്പത്തികശേഷിയുള്ള പത്ത് രാജ്യങ്ങളുടെ കൂട്ടായ്മയായ ആസിയാനുമായി ഇന്ത്യ ബന്ധം മെച്ചപ്പെടുത്താന് ശ്രമിക്കുന്നവേളയിലാണു മോഡിയുടെ പ്രസ്താവന.
അടുത്തവര്ഷം അവസാനത്തോടെ ഒറ്റ സാമ്പത്തിക സമൂഹമാകാനുള്ള ശ്രമത്തിലാണ് ആസിയാന്. ബ്രൂണേ, കംബോഡിയ, ഇന്തോനേഷ്യ, ലാവോസ്, മലേഷ്യ, മ്യാന്മര്, ഫിലിപ്പൈന്സ്, സിംഗപ്പുര്, തായ്ലന്ഡ്, വിയറ്റ്നാം എന്നിവയാണ് ആസിയാന് രാജ്യങ്ങള്.നിലവില് ഇന്ത്യആസിയാന് വ്യാപാരം 7600 കോടി ഡോളറിന്റേതാണ്. ആസിയാന് വ്യാപാരത്തിന്റെ മൂന്നു ശതമാനം വരുമിത്. 2015 ഓടു കൂടി വ്യാപാരം 10000 കോടി ഡോളറിന്റേതാക്കുകയാണു ലക്ഷ്യം.
വട്ടമേശ സമ്മേളനത്തിനുപുറത്ത് മേക്ക് ഇന് ക്യാമ്പയിനെപ്പറ്റി പ്രത്യേക ഉഭയകക്ഷി ചര്ച്ചയും മോഡി നടത്തി. മേക്ക് ഇന് ഇന്ത്യ കാമ്പയിന് തായ്ലന്ഡ് പ്രധാനമന്ത്രി ജന. പ്രയൂത് ചാന് ഒ ചായുടെ പൂര്ണപിന്തുണ ലഭിച്ചു. പ്രതിപക്ഷമായ നാഷണല് ലീഗ് ഫോര് ഡെമോക്രസിയുടെ നേതാവും സമാധാന നൊബേല് ജേതാവുമായ ആങ് സാന് സൂചിയുമായും മോഡി കൂടിക്കാഴ്ച നടത്തി.
തായ്ലന്ഡിന്റെ സമ്പദ്വ്യവസ്ഥ നയിക്കാന് പ്രയോഗിക്കാവുന്നതാണ് മേക്ക് ഇന് ഇന്ത്യ ആശയമെന്നും ചാന് ഒ ചാ വ്യക്തമാക്കി. ജനറല് പ്രയൂതിനെ ഇന്ത്യ സന്ദര്ശിക്കാന് ക്ഷണിച്ച മോഡി അടുത്തവര്ഷം തായ്ലന്ഡില് നടക്കുന്ന സംസ്കൃത സമ്മേളനത്തില് വിദേശകാര്യമന്ത്രി സുഷുമാ സ്വരാജ് പങ്കെടുക്കുമെന്നും വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
