ഫിലേ തൊട്ടു വാല്നക്ഷത്രത്തെ
ബഹിരാകാശ ഗവേഷണ രംഗത്ത് പുതിയൊരു വിപ്ലവം. ലോകത്താദ്യമായി ഒരു മനുഷ്യനിര്മ്മിത പേടകം സുരക്ഷിതമായി വാല്നക്ഷത്രത്തിലിറങ്ങി. യൂറോപ്യന് സ്പേസ് ഏജന്സി (ഇസ) പത്തു വര്ഷംമുമ്പ് വിക്ഷേപിച്ച റോസറ്റ എന്ന പേടകത്തില്നിന്ന് ഫിലെ എന്ന റോബോട്ട് ആണ് ചുര്യമോവ്ഗരാസിമെങ്കൊ (67പി എന്ന് ചുരുക്കപ്പേര്) എന്ന വാല്നക്ഷത്രത്തില് ഇറങ്ങിയത്.
സൂര്യപ്രകാശമുള്ള സ്ഥലത്താണ് ഫിലെ ഇറങ്ങിയതെങ്കിലും സൗരോര്ജ പാനലിന് എന്തെങ്കിലും പ്രശ്നമുണ്ടായാല് 60 മണിക്കൂര് ബാറ്ററിയില് പ്രവര്ത്തിക്കും.പ്രപഞ്ചത്തിന്റെ ഉത്ഭവകാലത്തെ വസ്തുക്കളാണ് വാല്നക്ഷത്രങ്ങളിലുള്ളത് എന്നതിനാല് ഉല്പത്തിയുടെ രഹസ്യം തേടുകയാണ് പര്യവേക്ഷണത്തിന്റെ ലക്ഷ്യം. ഇതിനായി ഉപരിതലത്തിലെ വസ്തുക്കള് പരിശോധിക്കുകയാണ് ഇതിന് ഏറ്റവും അനുയോജ്യം. ഒരു ലാന്ഡര് ഉണ്ടെങ്കില് ജോലി എളുപ്പമാണെന്ന് കണ്ടാണ് ഇസ റോസറ്റ-ഫിലെ ദൗത്യത്തിന് ഇറങ്ങിത്തിരിച്ചത്. 67പിയില് ഗുരുത്വാകര്ഷണം വളരെ കുറവായതിനാല് ഫിലെയെ തറയില് ഉറപ്പിച്ചുനിര്ത്തുക എന്നതായിരുന്നു ഏറ്റവും പ്രധാനം. ഇതിനായി കണ്ടുപിടിച്ചത് ഒരു കിലോമീറ്റര് ചുറ്റളവില് അജില്കിയ എന്ന സ്ഥലമായിരുന്നു.
ഇന്നലെ ഉച്ചയ്ക്ക് ഇന്ത്യന് സമയം രണ്ടരയ്ക്ക് റോസറ്റയില്നിന്ന് ഫിലേ എന്ന ലാന്ഡര് സുരക്ഷിതമായി വേര്പെട്ടു. അപ്പോള് റോസെറ്റ വാല് നക്ഷത്രത്തിന്റെ കേന്ദ്രത്തില്നിന്ന് 22.5 കിലോമീറ്റര് മാത്രം അകലെയായിരുന്നു. തുടര്ന്ന് ഏഴുമണിക്കൂറിലേറെ നീളുന്ന യാത്ര. സ്വയം നിയന്ത്രിതമായിരുന്നു ആ പ്രയാണം. ഒടുവില് ഒരു പക്ഷിയെപ്പോലെ ഫിലെ പറന്നിറങ്ങി.റോസേറ്റയും ജര്മനിയിലെ കണ്ട്രോള് സ്റ്റേഷനും തമ്മിലുള്ള ആശയവിനിമയത്തിന് 28 മിനിറ്റും 20 സെക്കന്ഡും വേണം.
മാതൃപേടകത്തില്നിന്ന് വാല്നക്ഷത്രത്തിലേക്കുള്ള യാത്രാമധ്യേ ഫിലെയിലെ ക്യാമറകള് വാല്നക്ഷത്രത്തിന്റെ ചിത്രങ്ങളെടുത്ത് അയച്ചിരുന്നു. കഴിഞ്ഞ ഓഗസ്റ്റ് ആറു മുതല് 67പിയെ റോസറ്റ വലംവച്ച് നിരീക്ഷിക്കുകയായിരുന്നു. ഇതിനോടകം നിരവധി ചിത്രങ്ങളടക്കമുള്ള വിവരങ്ങള് ഭൂമിയിലേക്ക് കൈമാറിയിട്ടുണ്ട്. സ്വയം പ്രവര്ത്തിക്കുന്ന ഫിലെ മൈക്രോ ക്യാമറകളുയോഗിച്ച് പേടകത്തിന്റെ ചുറ്റുപാടുകള് പകര്ത്തുകയും തറ 23 സെന്റീമീറ്റര് വരെ തുളച്ച് മണ്ണെടുത്ത് സ്വന്തം ലാബില് ചൂടാക്കി പരിശോധിച്ച് ഫലം ഭൂമിയിലേക്ക് അയയ്ക്കുകയും ചെയ്യും
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
