യു.എസ് പ്രസിഡന്റ് ട്രംപുമായുള്ള അഭിപ്രായ വ്യത്യാസത്തെ തുടര്ന്ന് പ്രതിരോധ സെക്രട്ടറി ജെയിംസ് മാറ്റിസ് രാജിവെച്ചു
യു.എസ് പ്രസിഡന്റ് ട്രംപുമായുള്ള അഭിപ്രായ വ്യത്യാസത്തെ തുടര്ന്ന് പ്രതിരോധ സെക്രട്ടറി ജെയിംസ് മാറ്റിസ് രാജിവെച്ചു. സഖ്യകക്ഷികളെയും പെന്റഗണിനെയും ഞെട്ടിച്ചുകൊണ്ട് സിറിയയില് നിന്ന് യു.എസ് സൈന്യത്തെ പിന്വലിക്കാനുള്ള ട്രംപിന്റെ തീരുമാനമാണ് മാറ്റിസിന്റെ രാജിക്ക് പിന്നില്. എ.എസിനു മേല് വിജയം പ്രഖ്യാപിച്ചുകൊണ്ടാണ് സൈന്യത്തെ ട്രംപ് പിന്വലിച്ചത്. എന്നാല് ഐ.എസിനെതിരായ സിറിയയിലെ പോരാട്ടം അവസാനിച്ചിട്ടില്ലെന്ന് പന്റെഗണും ഐ.എസിനെതിരെ പോരാടുന്ന ഗ്രൂപ്പും അറിയിച്ചിട്ടും തീരുമാനം പിന്വലിക്കാന് ട്രംപ് തയാറായില്ല.
സൈന്യത്തെ പിന്വലിക്കാനുളള തീരുമാനം തിരുത്താന് ജെയിംസ് മാറ്റിസ് ശ്രമിച്ചെങ്കിലും ട്രംപ് നിരസിച്ചതാണ് രാജിക്ക് വഴിവെച്ചത്. മാറ്റിസിന്റെ രാജി സ്വീകരിച്ച ട്രംപ് വൈറ്റ് ഹൗസില് നിന്ന് ചിത്രീകരിച്ച വിഡിയോയില് ഐ.എസിനെ തകര്ത്തതായി അവകാശപ്പെടുകയും ചെയ്യുന്നു.
സിറിയയില് മരിച്ച യു.എസ് സൈനികര്, തങ്ങളുടെ സഹപ്രവര്ത്തകര് നാട്ടിലേക്ക് തിരിച്ചത് കണ്ട് അഭിമാനിക്കുന്നുണ്ടാകുമെന്നും ട്രംപ് വിഡിയോയില് അവകാശപ്പെട്ടു. ട്രംപിന്റെ നടപടിയെ ശക്തമായി വിമര്ശിച്ചുകൊണ്ട് എഴുതിയ രാജിക്കത്തില് യു.എസ് സഖ്യകക്ഷികളുമായുള്ള ബന്ധത്തില് നിന്നാണ് ശക്തി പ്രാപിക്കേണ്ടതെന്നും സഖ്യകക്ഷികളോട് ബഹുമാനത്തോടെ പെരുമാറേണ്ടതുണ്ടെന്നും മാറ്റിസ് ചൂണ്ടിക്കാട്ടുന്നു. ഐ.എസ് പോലുള്ള ഗ്രൂപ്പുകളില് നിന്നു ഭീഷണികളെ വ്യക്തമായി മനസിലാക്കാന് രാജ്യം ശ്രമിക്കണമെന്നും മാറ്റിസ് പറയുന്നു. അഫ്ഗാനിസ്ഥാനില് നിന്ന് സൈന്യത്തെ പിന്വലിക്കാനുള്ള നീക്കത്തെയും അദ്ദേഹം രാജിക്കത്തില് എതിര്ക്കുന്നുണ്ട്. എന്നാല് മാറ്റിസിന്റെ രാജിയെ കുറിച്ച് ട്വീറ്റ് ചെയ്ത ട്രംപ് അഭിപ്രായ വ്യത്യാസങ്ങളെ കുറിച്ച് ഒന്നും സൂചിപ്പിച്ചില്ല. 'ഫെബ്രുവരിയില് കാലാവധി അവസാനിക്കാനിരിക്കെ ജനറല് ജിം മാറ്റിസ് വിരമിക്കുന്നു. രണ്ട് വര്ഷം തന്റെ പ്രതിരോധ സെക്രട്ടറിയായിരുന്നു. ജിമ്മിന്റെ കാലഘട്ടത്തില് നിരവധി പുതിയ യുദ്ധോപകരണങ്ങള് വാങ്ങുന്നതിന് സാധിച്ചു. സഖ്യകക്ഷികളെ രൂപീകരിക്കുന്നതിലും വന് പുരോഗതി ഉണ്ടായി. പുതിയ പ്രതിരോധ സെക്രട്ടറിയെ വൈകാതെ തന്നെ നിയമിക്കും.
https://www.facebook.com/Malayalivartha