ചാള്സിനു വേണ്ടി ഡയാന രാജകുമാരി വിവാഹ ഷൂസില് ഒളിപ്പിച്ചിരുന്ന പ്രണയ സന്ദേശം: വര്ഷങ്ങള്ക്കിപ്പുറം ഏറ്റെടുത്ത് ആരാധകര്
രാജകുമാരി എന്ന് പറയുമ്പോള് ആദ്യം മനസ്സിലേയ്ക്കെത്തുന്നത് ഡയാന രാജകുമാരിയാണ്. ലോകമെങ്ങും പല രാജ്ഞിമാരും രാജകുമാരിമാരുമുണ്ടെങ്കിലും ഡയാനയെപ്പോലെ സ്വാധീനം ചെലുത്തിയ, മരിച്ചിട്ടും മനസ്സുകളില് നിന്നു മായാത്ത മറ്റൊരാളില്ല. ബ്രിട്ടീഷ് രാജകുടുംബത്തിലേയ്ക്ക് ഡയാന എത്തിയതും, കുടുംബ ജീവിതവും, മരണവുമൊക്കെ ലോകത്തിന് പരിചിതമാണ്. ഇന്ന് ഡയാനയോടുള്ള സ്നേഹം അവരുടെ മക്കളായ ഹാരിക്കും വില്യമിനും ലോകം നല്കുന്നു. ഡയാനയെക്കുറിച്ചുള്ള ചെറിയ കാര്യങ്ങള് പോലും ആരാധകര്ക്കറിയാമെങ്കിലും അവരുടെ വിവാഹ ഷൂസിനേക്കുറിച്ച് അധികമാര്ക്കുമറിയില്ല.
വ്യത്യസ്തവും ആഢംബരപൂര്ണവുമായ ആഭരണങ്ങളും ഗൗണും ഷൂസുമൊക്കെയായിരുന്നു മണവാട്ടി എന്ന നിലയില് ഡയാനയെ ശ്രദ്ധേയയാക്കിയത്. ഇതില് തന്നെ ഏറെ പ്രത്യേകതകളുണ്ട് വിവാഹദിവസം ഡയാന ധരിച്ച ആ വെള്ള ഷൂസുകള്ക്ക്. ഏകദേശം ആറു മാസമെടുത്താണു ഡയാനയുടെ വിവാഹ ഷൂസിന്റെ പണി പൂര്ത്തിയാക്കിയത്. ഇംഗ്ലണ്ടിലെ ചെരുപ്പ് നിര്മാതാവായിരുന്ന ക്ലെയ്വ് ഷില്ട്ടന് ആയിരുന്നു മനോഹരമായ ആ ഷൂസുകള്ക്കു പിന്നില്. ഡയാന നേരിട്ടെത്തിയാണു തനിക്ക് ആവശ്യമായ ഷൂസ് എങ്ങനെ വേണമെന്നു പറഞ്ഞത്. അഞ്ചടി പത്തിഞ്ച് ആയിരുന്നു ഡയാനയുടെ ഉയരം. അതിനാല് ഷൂസ് ഇട്ടുവരുമ്പോള് ഒരിക്കലും ചാള്സിനേക്കാള് ഉയരം തനിക്കുണ്ടാവരുത് എന്ന് ഡയാനയുടെ ആദ്യ നിര്ബന്ധം. ഇക്കാര്യത്തില് ഡയാന അല്പം അസ്വസ്ഥയായിരുന്നു.
എന്നാല് അത് മനസ്സിലാക്കിക്കൊണ്ട് തന്നെ ഷൂവിന്റെ നിര്മാതാവ് ഏറ്റവും കുറഞ്ഞ ഹീലുകള് മാത്രം ഷൂസില് ഘടിപ്പിച്ചു. പൂര്ണമായും ഹാന്ഡ് മെയ്ഡ് ആയ ഷൂസ് ആയിരുന്നു ഡയാന വിവാഹ ദിനത്തില് ധരിച്ചത്. 542 സ്വീകന്സും 132 പേളുകളും ഷൂസില് ഘടിപ്പിച്ചിരുന്നു. ചെരുപ്പിനു മുകളിലായി ഹൃദയസമാനമായ ഒരു ഡിസൈന് ചെയ്തിരുന്നു. ഇതിനെല്ലാം പുറമെ ഡയാനയുടെ നിര്ദേശപ്രകാരം ആ ഷൂസുകളില് ഒരു രഹസ്യ സന്ദേശം സൂക്ഷിച്ചിരുന്നു.
ഇംഗ്ലീഷ് അക്ഷരമാലയിലെ C, D എന്നീ അക്ഷരങ്ങള്, ചാള്സ്, ഡയാന എന്നീ പേരുകളുടെ ആദ്യാക്ഷരങ്ങള് ഷൂസില് ആലേഖനം ചെയ്തിരുന്നു. ചെരുപ്പിനു താഴെ ഹീലില് ആയിരുന്നു ഈ അക്ഷരങ്ങള് പെയിന്റ് ചെയ്തത്. ചെരിപ്പിനു അടിഭാഗം ആരും കാണാന് പോകുന്നില്ലെങ്കിലും ആ അക്ഷരങ്ങള് ഉള്പ്പെടുത്തണമെന്നു ഡയാനയ്ക്കു നിര്ബന്ധമായിരുന്നു. ഡയാനയുടെ മനോഹരങ്ങളായ വിവാഹ ഷൂസുകള് ഓര്മയിലെത്തുമ്പോള് മനസ്സില് തെളിയുക ഇവരുടെ പ്രണയം വിളിച്ചോതുന്നു ആ അക്ഷരങ്ങളാണ്.
https://www.facebook.com/Malayalivartha